داوود ئۆغلۆ داخوازەکێ ژ باباجانی دکەت
دەزگەهێن راگەهاندنا تورکیا دیار دکەن، پشتی هەلبژارتنێن ڤێ دووماهیێ ئەحمە داوود ئۆغلۆ داخواز ژ عەلی باباجانی کریە پێکڤە ببنە ئێک پارتی و وەسا ب رەنگەکێ بهێز دەست ب کارێ سیاسی ل تورکیا بکەن، لێ ئەو یەک ژ ئالیێ عەلی باباجانی ڤە هاتیە رەتکرن و باباجانی دیار کریە د رەوشا نها دا وان نەڤێت ل گەل چو پارتیەکا دی یا سیاسی ببنە ئێک و وان دڤێت وەکو پارتیا (دەڤا) ل سەر کار و چالاکیێن خوە یێن سیاسی بەردەوام بن.
چاڤدێرێن سیاسی ژی دیار دکەن هەلبژارتنێن پەرلەمانێ تورکیا سەلماند ئۆپۆزسیۆنا تورکیا ژ بۆ برێڤەبرنا وەلاتی یا بەرهەڤ نینە و ئۆپۆزسیۆنێ گەلەک ئاریشێن خوە هەنە، ژ بەر هندێ ژی نها ئەحمەد داوود ئۆغلۆ دڤێت ل گەل هندەک پارتیێن دی یێن سیاسی بەرەیەکێ ئاڤا بکەت یان ژی ل ژێر ناڤێ پارتیەکا دی یا سیاسی کار بکەت لێ دیارە جارێ چو پارتیێن سیاسی ل تورکیا بەرهەڤ نینن داخوازیا داوود ئۆغلۆیی قەبوول بکەن.
