داڤێن ته
حسنی عه‌لی رێكانی
تو یاهزرێن من داگیردكه‌ی
ده‌ستێن من ب كه‌زیێن پرچا خووه كه‌لامچه دكه‌ی
هێدی هێدی من نێچیر دكه‌ی
دلێ من هه‌ر تم دئازرینی
ب ئاڤریێن خووه دكوزرینی
تیر ژ چاڤێن ته دوه‌شن !
ل من دبارینی وه‌كی په‌لا دگه‌شن
ل ناڤ جه‌رگێ من دمه‌شن
داڤێن ته ڤه‌داین
هه‌می رێ ل من وندا كرینه
ئه‌و په‌یڤێن ژ لێڤێن ته ده‌ردكه‌ڤن
هنگڤینێ نیسه‌كه
مێشكێ من ژێ سه‌ودا دبیت ..
د هه‌می قولاچكا دا ره‌نگڤه‌دایه و تژی بووینه
ئاوازێن ته ل به‌ر گوهێ من دل راكریه سه‌مایێ
چه‌ند دژواره پێلێن هه‌ستان
د رووبارێ حه‌زان دا سیپه‌ل دادپێچن ..
پێنگاڤ پێنگاڤ خوه به‌رددن ودگه‌هن
ناڤ خه‌ونا هه‌یڤه‌ك شه‌وقاخوه ڤه‌ددت
ل تاریا شه‌ڤا مۆمه‌ك هه‌ل دبیت
چاڤێن من ژخه‌وێ ڤه‌دره‌ڤیت
كه‌فتی مه سه‌ربالگی چه‌پ و راست خوه وه‌ردگێرم
هه‌ما هه‌ر ل ته دنێرم
ل به‌ر خۆدیكێ هه‌ر ته دبینم
د ده‌روون وناخێ من دا
د ناڤ خوین وهه‌ناسه‌یا من دا
دچركه و خۆله‌كان دا من قه‌ت نابه‌رده‌ی
ته ئه‌ز راكێشام و شیای
ناڤ ڤیانا خوه‌دا من به‌رزه دكه‌ی
ئه‌و جوانی وجادویا ته‌هه‌ی
ب ئه‌شقاخوه ئه‌زێ ئێخسیركریم
ل ڤێ ژینێ دبێ هشیێ دا هێلایم
كه‌نگی دێ ژڤێ تایێ هشیاربم
ده‌رگه‌هی ل من ڤه‌كه‌ی
ئه‌ز ژبه‌رته زیندانیمه
ناڤ بابه‌لیسكێ دا دفڕم وڤه‌دگه‌ڕم .
18 /2 / 2022
