داگیركرنا دلی

سەیفوللا محەمەد

هەمی جەنگ و
هەمی ڕەنگێن داگیركرنێ
ڕەنگڤەدانن
بۆ ژناڤبرنێ.. وێرانكرنێ
كەسی نە ڤیایە و نەڤێتن
لێ بزانم.. تو یا ڕابووی
هێزێ كۆم دكی
دێ هێڕش كی و
دێ ڤی دلێ من داگیر كی
سۆزێ د دەم
هەمی ڕێكا بۆ تە خوەش كەم
خوە ژسەنگەرێ بەڕەڤانییێ
بێ بەش كەم
شەڤا ڕەش ژی بكەم ڕۆنی و
ل تە گەش كەم
ب تەنێ دلێ من داگیر كی
من ئێخسیر كی
هەمی خوینا من هەیی ژی
لتە ئازا كەم و
پێشكەش كەم.

کۆمێنتا تە