داگیركرنا هێلا ته‌ڤنپیركێ
گه‌له‌ك مرۆڤ و ئه‌ز ژی ئێك ژ وان ژ تنێبوون و دۆرهێلێ خوه دره‌ڤین به‌ر ب وه‌لاتێ (شین) فه‌یسبووكی ڤه دچین ب وێ هیڤیێ كو ئه‌و مرۆڤێن مه د ژیوارێ خوه دا نه‌دیتین دێ ل وێرێ بینین و ئه‌و ژیانا مه دڤیایی نه‌ژیایین دێ ل فیسبووكی دا ژین و ئه‌و هه‌ستێن ئه‌م نه‌شیایین ده‌رببڕین د ئه‌كاونتێن خوه دا ده‌ربرین و هۆسا فه‌یسبووكی ژیانا مه داگیركر مرۆڤێن نێزیك دووركرن و مرۆڤێن دوور نێزیككرن. هه‌ر كه‌سه‌ك د فه‌یسبووكی دا یێ زانا و ره‌وشه‌نبیر و خودێ نیاس و چاك و ئیماندار و وه‌لاتپارێز و ئازا و شۆره‌شگێر و ژیر و جوان و ب رێكوپێكه، لێ د راستی دا ئه‌ڤ هه‌می سالوخه‌ته دهێنه گوهۆرین ل گه‌ل قه‌تبوونا هێلا ئه‌نترنێتێ و ڤه‌مراندانا ئامیرێئه‌لكترۆنی، هه‌می تشت چ نینن ژ بلی ئاشۆپه‌كی ئه‌م ئێكودو پێ دخاپینین، ئه‌و فره‌یشته‌یا د فه‌یسبووكی دا هه‌یی د ژیانێ دا نینه ئه‌و مێرخوازی و وه‌لاتپارێزی و ره‌وشه‌نبیریا د فه‌یسبووكی دا هه‌یی ب چاڤ د ناڤ مرۆڤان دا ناهێته دیتن ژ رۆتین و خه‌م و گرانیا بارێ ژیانێ و ڤالاهیا سه‌ر و ده‌روونێ مرۆڤا فه‌یسبووك بوویه ئالاڤه‌كێ خۆشی و خوه‌مژوولكرنێ بۆ گه‌له‌ك كه‌سان كو تێدا ڤالاهێن خوه پێ پر دكه‌ن و چه‌نده‌كێ ژ خه‌مێن خوه ڤه‌دره‌ڤینن ل سه‌ر حسابا هه‌ست و ده‌روون مرۆڤێن پاقژ و راست؛ د ئه‌نترنێتێ دا تشته‌ك وه‌كی هه‌ست و سۆزان یێ ب ساناهی و ئه‌رزان نینه، گه‌له‌ك ب ساناهی دهێنه داگیركرن گه‌له‌ك ب ساناهی دهێینه پاژڤه‌برن و برینداركرن و گه‌له‌ك ب ساناهی و ئه‌رزان نینه، گه‌له‌ك ب ساناهی دهێنه داگیركرن گه‌له‌ك ب ساناهی دهێینه پاژڤه‌برن و برینداركرن و گه‌له‌ك ب ساناهی دهێینه هه‌تكاندن، قوربانێن ئه‌نترنێتێ و فه‌یسبووكی كێمتر نینن ژ قوربانێن جه‌نگ و شه‌ڕان لێ قوربانێن شه‌ڕ و جه‌نگان رحا دمرینیت و یێن فه‌یسبووكی ده‌روون و هه‌ستان دمرینیت. هه‌ر مرۆڤه‌ك ئه‌گه‌رێ ژیانا خوه یا نه‌خۆشه ب هه‌ر ره‌نگه‌كێ هه‌بیت و مه‌زنترین تاوان مرۆڤ د حه‌قێ خوه دا دكه‌ت ئه‌وه كو مرۆڤ ژیانه‌كا تمام گرێده‌ت ب فه‌یسبووكی ڤه، نامێن ده‌ركرد و وه‌رگرت ده‌ستهه‌لاتێ ل كه‌یف و خۆشیا مه بكه‌ن و گۆلاپا كه‌سك به‌رامبه‌ر ناڤێن هنده‌ك كه‌سان په‌ڕان ب مرۆڤی ڤه‌دكه‌ت، مه‌زنترین تاوان ئه‌وه یا مرۆڤ ل خوه دكه‌ت ده‌مێ بۆ هنده‌ك نه‌مرۆڤان خوه دكه‌ینه پاریه‌كێ ب ساناهی كو بێ گونه‌هی و ساده‌یا مه بهێته ئستغلال كرن و مه وه‌ك مرۆڤێن په‌ككه‌فتی لێ دكه‌ت و به‌رده‌ته ژیانێ.
