دایبێن (حەفازێن) ئەلیکترونی بۆ زارۆيان دەرکەفتن
ئەڤرۆ نیوز، نەوزاد ھلۆری:
کۆمپانیەکان سەر ب گوگل د نووترین داھێنان و کاردا رابوویە ب درۆستکرنا دایبی ( حەفازەکا) ئەلیکترونی کو ل سەر مۆبایلێ دھێتە گرێدان و ھەردەما زارۆی خوە پیسکر ب رێیا ئەوی بەرنامەیی پیستاتی و رێژا پیساتیا زارۆی دیار دکەت.
ڤێرلی کو ئێکە ژ کومپانیێن سەر ب گوگل د نووترین پێشکەفتن و داھێنانێ دا رابوویە ب بەرھەمئینانا دایبیەکا نوو کو مفایەکێ زۆر بۆ دایکان ھەیە ب تایبەتی ئەو دایکێن کو خودان کارن و گەلەک دەم نینە ل گەل زارۆێن خوە بمینن.
ئەڤ بەرھەم و داھێنانە ل سەر مۆبایلێن دایکان دھێنە گرێدان و ھەردەما کو زارۆی خوە پیسکر ئێکسەر دایکان ئاگەھدار دکەت کو زارۆيێ وێ خوە پیسکریە و ھەتا خوە رێژا پیساتیا زارۆيان ژی بۆ دایکان روون دکەت کا چەندە.
سەرەرای دیارکرنا پیساتیا زارۆيان د ھەمان دەم دا رێژا پلا گەرماتیا زارۆيان ژی دیار دکەت و ب گورەی زانیاريێن ئەوێ کۆمپانیێ ھەتا نھا ئەڤ بەرھەم نەکەڤتیە بازاری، بەلکو ب تنێ دیزاین و تایبەتمەندیێن وێ بەرچاڤ کرینە، بەلێ ئەڤ یەک بوویە سەدەم کو سەرنجا دایکان راکێشیت و داخوازی ل سەر ھەبن.
