دایك و باب و هەڤژینێ من بۆ من وەكو چیایەكی بوون
سندس سالح سلێڤانەیی:
ئەكتەرا گەنج (ئولین ئەدیب) د دیدارەكێ دا بۆ رۆژنامەیا ئەڤرۆ گۆت: بەری چەند سالان حەزا ئەكتەریێ ل دەف من هەبوو، لەورا هەر ژ قوتابخانێ من دەستپێكر و هەتا نوكە من پشكداری د دو درامایان دا كریە و بۆ دەمێ بهێت ژی هندەكێن دی دڕێ دا هەنە.
هەروەسا گۆت: من دو رۆل د درامایێ دا گێڕاینە، یێ ئێكێ بۆ من گەلەكێ ب زەحمەت بوو، چنكو بەرۆڤاژی كەسایەتیا من بوو، چنكو ئەز ب رۆلێ كچەكا (25) سالی را ببووم ئەو ژی گەلەكا فتنەچی حەسید بوو، ناڤێ درامایێ (بارۆڤە) بوو، ناڤێ من (فاتێ) بوو، بەس رۆلێ من د درامایا (دەرگەه) دا بۆ من یێ خۆش بوو، چنكو كچەكا قوتابیا زانكۆیێ بوو، هەروەسا ژیێ من ل گەل وێ یێ گونجای بوو، بۆ زانین بەری ئەكتەریێ من ستران دگۆتن و پشكداری د فەستیڤالا حەفتێ و هەشتێ یا پەیمانگەهێ دا كر، هەروەسا ل گەل تیپا دهۆكێ بووم، و دەمێ من دەستپێكری هندەك ئاستەنگ هەبوون، لێ دایك و باب هەروەسا هەڤژینێ من پشتەڤانێن من بوون و ئەز دشێم بێژم ئەو بۆ من وەكو چیایەكی بوون، لەورا یا بەردەوامم.
