دا بچـیـندا بچـیـن
عەبدلرەحمان مەحمود
دا بچــیـن..
ل بنێ وان دارێن من و تە
هەلبەستێن عەشقا خوە
لێ ڤەهاندین
وان كانیێن زەلالێن
مە دەمێن خوە یێن پڕ ئەڤینی
لێ بۆراندین
دابچین..
سەرێ وان كێریێن
مە خەمێن خوە
ل بەر بایێ فێنكێ ئێڤاریان ڕا
لێ رەڤاندین
وان شینوارێن ل بهاران
دناڤ حەودێن گولان دا
مە دەست تێك وەراندین
نەبێژە هێشتا زوییە
تو دزانی؟
رۆژا مە یا بەرەف
ئاڤابوونێ دچیت و
هێشتا مە گەلەك بیرهاتنێن ماین
نەزڤراندین
وەختە بچین
دناڤ وان باغچێن من و تە
سەما لێ دكری
وی كاڤلە گوندێ
مە ب هەڤڕا
شەڤبێریێن وێ
ب چیروكێن ئەڤینیێ
ساخ دكرین.
