دا خوە ژ گەلەک نەخۆشیان ب پارێزی.. زڤستانێ قەسپان بخۆ
ئه‌ڤرۆ نيوز:
بۆچوونەکا ھەی کو ھەر تشتێ شرین گەلەک گالۆرێن گەرمێ تێدا ھەنە و نەدساخلەمن، لێ ھندەک فێقیێ ھشککری یێ ھەی گەلەک شەکر د ناڤ دا ھەیە و گەلەک ب مفانە وەکو قەسپێ.
قەسپێ گەلەک مفایێ، ساخلەمی تێدا ھەنە و ب تایبەت ل وەرزێ زڤستانێ و مرۆڤی ژ گەلەک نەخۆشیان دپارێزیت، ھەموو رەگەزێن خوارنێ یێن پێدڤی د ناڤ دا ھەنە ژ ڤیتامن و کانزا و کالسیۆم و سان، زێ>ەباری گلۆکۆزێ سروشتی و ریشالۆک و ھەموو ژی بۆ لەشی دبنە وزە.
ھەکە تە ئاریشێن ساخلەمی ل وەرزێ زڤستانێ ھەبن وەکو پەرسیڤ و ھەودانا گەھان و حەساسی، پێدڤیە تو قەسپان بخۆی دا ژ وان ئاریشان دوور بکەڤی.
قەسپ لەشێ مرۆڤی گەرم دھێلیت، ژبەرکو ئاسن، کالسیۆم، ڤیتامین و مەگنیزیۆم د ناڤ دا ھەنە، ھەموو ژی دھاریکارن بۆ پاراستنا گەرماتیا لەشی ل وەرزێ زڤستانێ.
ھەکە نەخۆشیێن سەرمایێ تو گرتی دو کتێن قەسپێ د گەل دو دندکێن ھێلێ و پیچەکا فلفلا دژوار بکە د ناڤ ئاڤێ دا و بکەلینە و بەری نڤستنێ ڤەخۆ.
قەسپ یا ھاریکارە بۆ چارەکرنا رەبۆیێ، ئەو ژی پێدڤیە ھەرو سپێدێ و ئێڤاری دو کتێن قەسپان بخۆی.
شەکرا سروشتی یا د ناڤ قەسپێ دا ئێکسەر وزێ ددەتە لەشی.
ژبەرکو گەلەک ریشالۆک د ناڤ دا ھەنە، قەسپێ د ئاڤێ دا بنمینە و پاشی سپێدێ ب لەخرینی ڤەخۆ، دێ یا ھاریکار بیت بۆ چارەرکان قەپزبوونێ.
قەسپ ساخلەمی و لێدانێن دلی دپارێزیت، لەورا ناھێلیت جەلتێن دلی چێبن بتایبەت ل وەرزێ زڤستانێ.
تایبەتمەندیا دژی ھەودانان ھەیە، لەورا ناھێلیت مرۆڤ تووشی ھەودانا گەھان بیت یا ل وەرزێ زڤستانێ بەربەلاڤ دبیت.
مەگنیزیۆم و پوتاسیۆمێ د ناڤ قەسپێ دا، نزمکەرێن سروشتی ێن فشارا خوینێ یا بلندن، لەورا یا باش 5 – 6 کتان رۆژانە بخۆی.
