دا فێرببین!
سەلام بالایی
ئەز دخوازم هەر جارێ دیاردەك جڤاكی یێن رۆژانە دبینین دڤێ گوشێدا بنڤێسم.
هەر ژبو ئاڤاكرنا جڤاكەك ساخلەم و پاك و خاوێن، هەر ژبو جوانی و پێشكەفتنا ولاتێ مە كوردستانێ.
یەك ژ بابەتان، بابەتێن پاراستنا ژینگەهێیە.
یا خویایە رۆژێن ئەینی یان هندەك دبێژنێ خوتبە خەلكێ مە پڕانیا وان بەرەف سروشتێ جوانێ ولاتی دچن ژبو بوراندنا دەمێن خۆش دگەل خێزان و كەسوكارێن خوە.
ئەزێ سەرهاتیەكێ بێژم ب سەرێ من ب خوە هاتی، ئەزو خێزانا خوە وەكە هەر كەسی چووین سەیرانێ مە لبن دارەكا ب خەم و جوانا داربەڕویەكێ جهێ خوە كر، ژرەخ مەڤە ژی چەندین خێزان هەبوون، درێژ ناكەم بو ئێڤار من هند دیت خێزانا جیران دەست ب كومكرنا كەل و پەلێن خو كر دا رابن، گەلەك پاشمایێن خوە دجهدا هێلان، بەری بچن من گوتە خێزانا خوە ب خودێ دێ بێژمێ گلێشێ خوە ڕاكەن، گۆتە من دێ پێلە، بێهنا من نەهات من گۆتێ مانە باشترە هوون پاشمایێن خوە ڕاكەن چونكی سروشتێ مە جوانە دێ بوچی نەجوان كەین! ئینا ئەوكەسێ ترۆمبێل دهاژوت گۆتە من پا تو یێ پشتی گرانی دێ ژێڤەبە مالاتە، لەوڕا تە سەر زوی سپیكریە! ئو چوون پشتی دا ئەمژی ڕابین من و زارۆیێن خوە زەرفێ گلێشی ژ ترۆمبێلێ ئینان دەرو جهێ وانژی یێ خۆ ژی جوان پاقژكر و مە زەرف كرە د ترۆمبێلێ دا دا دانین جهێ گلێشی، هەر كەسێ ژێیاتی بو ئاخ و ولات و ناسناما خوە هەبیت دێ ژینگەهێ جوان كەت و جوان هێلیت..
