دبیت بیتە جوانترین گولا ٢٠١٦ ب ڤیدیو ببینە ڤێ گولێ
ئەڤرۆ نیوز:
یاریکەرەکێ خولا پلا سێ یا ئیسپانیا یا تەپا پێ ئێک ژ جوانترین گولا د ژیانا خوە دا تومارکر پشتی ل دەرڤەی دەڤەرا پەنەلتی ب دەلکێت شیای گولێ توماربکەت ب رێیا ھەمان گولا ستێرا سویدی ئیبراھیموڤیج ئەوا ل سەر ھەلبژارتیێ ئینگلتەرا ل سالا ٢٠١٢ تومارکری کو ئەو گول ب جوانترین گولا ٢٠١٢ ھاتبو ھەلبژارتن و خەلاتێ بوشکاش یێ فیفا وەرگرت بوو.
د یاریا دناڤبەرا ھەردو یانێن سوکوییاموس وتولیدو ژ چارچوڤێ یاریێن گەرا ٣٥ ژ خولا پلا سێ یا ئیسپانیا یاریکەرێ یانا سوکوییاموس خافی گومێز ئێک ژ گولێن خەیالی و جوان تومارکر و رۆژنامەیێن ئیسپانی ئەڤ گولا وەکو جوانترین گولا خولێن ئیسپانیا ھەتانوکە ل سالا ٢٠١٦ ھژمارتی یە و بەربژارکری یە بۆ جوانترین گول ل جیھانێ و بۆ خەلاتێ بوشکاش یێ فیفا کو دێ چاڤەرێ بن ھەتا بەری دەستپێکرنا خەلاتێ جوانترین گول کا چو گولێن دێ ھێنە تومارکرن لێ زوربەیا رۆژنامەیێن ئیسپانی ئەڤ گولە ھەتانوکە بەربژارکری یە و دیارکری یە دبینن زحمەت گولەکا دی یا وەکو ڤێ بھێتە تومارکرن.
