دبیت قووناغا ئاشتیێ ل تورکیا بهێتە راگرتن
نامیک تان بالیۆزێ بەرێ یێ تورکیا ل ئەمریکا و ئەندامێ پەرلەمانێ وی وەلاتی د داخویانیەکێ دا دیار کر، شەڕێ نها د ناڤبەرا ئیرانێ و ئسرائیلێ دا شەڕەک گەلەک مەزنە و دێ کاریگەریا خوە ل سەر هەموو رۆژهەلاتا ناڤین هەبیت، بێگومان دێ کاریگەریا خوە ل سەر تورکیا ژی هەبیت و دڤێت تورکیا خوە بۆ هەر پێشهاتەکێ بەرهەڤ بکەت.
ناڤهاتی ئەو یەک ژی دیار کر، ژ بەر شەڕێ نها د ناڤبەرا ئیرانێ و ئسرائیلێ دا دبیت قووناغا ئاشتیێ یا ل تورکیا بهێتە راگرتن و ئاماژەیێن ڤێ یەکێ ژی هەنە کو دبیت پەکەکە دەست ژ چەکی بەرنەدەت و ئەو یەک ژی دشێت ئاریشەیێن گەلەک مەزن بۆ تورکیا دروست بکەت، چونکی نها ل رۆژهەلاتا ناڤین گوهۆڕینێن گەلەک بلەز روو ددەن و گرنگ تورکیا خواندنەکا راست بۆ رەوشا نها بکەت و بۆ هەر پێشهاتەکێ ژی بەرهەڤ بیت.
