دخوازم ببمە ستێرەكا راگەهاندنێ
دلۆڤان هالۆ:
رۆژ قەزار، پەیامنێرا (وار تیڤی) د دیدارەكێ دا بۆ رۆژنامەیا ئەڤرۆ گۆت: بەری چەند سالان من حەزدكر بهێمە دناڤ بۆارێ راگەهاندنێ دا و خزمەتێ بكەم، پشتی دەلیڤە هاتی ل (2017) من دەستپێكر، كو ئەو ژی ل رادیۆیێ و تەلەفزیۆنێ بوو، هەتا نوكە یا بەردەوامم.
هەروەسا گۆت: سوپاسیا وان هەموو كەسان دكەم یێن كو هاریكاری و پشتەڤانیا من كرین، ب تایبەت رۆژنامەڤانێن زاخۆ، هەروەسا سوپاسیا خێزانا خوە ژی دكەم كو هەردەم ل گەل من بووینە و پشتەڤانێن سەرەكی بوون، ئانكو هەكە پشتەڤانیا وان نە با دا یا ب زەحمەت بیت ل سەر شاشێ دەركەڤم و كاربكەم، راگەهاندن مەیدانەكا مەزن و بەرفرەهە هەردەم نوویاتی و روودان و گۆشەیێن ڤەشارتی یێن جڤاكی تێدا هەنە، حۆشترین كار د راگەهاندنێ دا پەیامنێری یە، چنكو هەلگرا پەیامێن خەلكی یە و خۆدیكا نیشادانا جڤاكی یە، بۆ زانین هیڤیێن من سنۆر نینن و دخوازم ل وەلاتێ خوە ببمە ستێرەكا بەرنیاس د ناڤ راگەهاندنێ دا، دا ل سەر شاشەیان خزمەتا وەلاتێ خوە بكەم.
