دخوازم تشتەكی ل مۆزیكا كوردی زێدە بكەم
شاكر ئەتروشی:
سترانبێژ و مۆزیكژەن (رێمان نەزیر عەبدولحەكیم) كو ب (رێمان دهۆكی) دهێتە نیاسین، د دیدارەكێ دا بۆ رۆژناما دیاركر كو دژیەكێ بچووكدا وی حەزا ژەنینا مۆزیكێ هەبوو، نوكە ئامیرێن (سازێ و عۆدێ و جمبشێ و گیتارێ) دژەنم و هندەك جاران سترانان ژی دبێژم، لێ پتر گرنگیێ ب مۆزیكێ ددەم و حەزدكەم ل پاشەرۆژێ ببمە مۆزیكژەنەكێ ناڤدار و خزمەتا هونەر و مۆزیكا كوردی بكەم.
رێمان، كو ژ دایكبوویێ سالا (1998) یە و ل (2012) ب فەرمی دەست ب مۆزیكێ كریە و دەستپێكا وی ب ئامیرێ سازێ بوویە، هێشتا گۆت: ئەز بەردەوام دچمە لایڤ مۆزیكا، هەروەسا من پشكداری د گەلەك ئاهەنگان دا كریە و بۆ گەلەك سترانبێژان مۆزیك ژەنیە، ژوانا هونەرمەند دلشاد نێروەی و عابد دهۆكی، بۆ پاشەرۆژێ من هندەك پرۆژێن دی یێن هونەری ل یەردەستن، ژوانا من دڤێت تشتەكێ نوو ل مۆزیكا كوردی زێدە بكەم، ئانكو (ئابدێد) بكەم و ئەز گەلەك ب هونەرمەندێ خودێ ژێ رازی (بەیتۆ جانی) و ستران و مۆزیكێن هونەرمەند (بلند ئیبراهیم) داخبارم.
