دخوازم كچ بەربەستان نەهێلین و شیانێن خوە دیاربكەن
موسا خالد:
شێوەكار (فاتیما موستەفا) د دیدارەكێ دا بۆ رۆژناما ئەڤرۆ دیاركر كو نوكە ئەو قوتابیە ل قوناغا چارێ ل زانكۆیا دهۆك/پشكا شێوەكاری و پشتی دەرچۆنێ دێ پتر دەلیڤە هەبیت كو كەڤالێن باشتر و بهێزتر چێكەت.
هەروەسا گۆت: دژیەكێ بچووكدا من حەزا چێكرنا وێنەیان هەبوو، لەورا من پشكا شێوەكاری هەلبژارت و د ماوێ خواندنێ دا بۆ من شارەزاییەكا باشتر چێبوو دوارێ چێكرنا وێنەیان و هەلبژارتنا رەنگان و هەر كەسەكێ من وێنەیەك بۆ چێكری یێ ژێ رازی بوویە، لەورا دهەموو فەستیڤالێن زانكۆیێ دا پشكداربوویمە و دێ بەردەوامیێ ب بەهرەیا خوە دەم، بۆ زانین گەلەك كچێن خودان شیان هەنە دوارێ شێوەكاری دا، بەلێ ژبەر رێگریا جڤاكی نەشیاینە خوە دیاربكەن و گەلەك كەس وەسا هزر دكەن كو چێكرنا وێنەیان كارەكێ ب ساناهی یە، لێ وەسا نینە و چێكرنا وان یا ب زەحمەتە و دخوازم كچ بەربەستان نەهێلین و شیانێن خوە دوارێ هونەری دا دیاربكەن.
