دخوازم هاریكاری و پشتەڤانییا پارتی بهێتەكرن چونكە ئەو بتنێ مایە د مەیدانێ دا
دیدار، سالار محەمەد دۆسكی:
پێشمەرگێ شۆڕەشا ئیلۆنێ یوسف محەمەد غازی نێروەیی، بەرنیاس ب (یوسف نێروەیی) ل سالا 1968ێ ل دەڤەرا ژ دایك بوویە، ل ناڤەرا ستالێن حەفتێان ل سكرینێ ئاكنجی بوویە و هەتا پولا پێنجێ سەرەتایی ل سكرینێ خواندیە.
یوسف محەمەد غازی نێروەیی، د دیدارەكێ دا ل گەل رۆژناما ئەڤرۆ ئاشكراكر كو بابێ وی گەلەك كارتێكرن ل سەر ژیانا وی هەبوو و تایبەت بەرگێریكرن ژ ئاخ و وەلاتی و بابێ وی پێشمەرگێ شۆڕەشا ئیلۆنێ بوو، و برایێ وی ژی هەر دناڤا شۆڕەشێ دا رۆلەكێ كاریگەر هەبوو، و كارێ رێكخستنێ ژی ئەنجام دابوو و هەتا ل داستانا دێرەلوكێ هاتیە شەهیدكرن.
یوسف محەمەد غازی گۆتژی: ل شۆڕەشا گولانێ ل سالا 1987ێ بوویمە پێشمەرگە وی دەمی مالێن مە ل دەڤەرێن ئازادكری بوون، و ئەو جهێن پێشمەرگە ئاكنجی و دەستێ حوكمەتێ نە گەهشتنێ دگۆتنێ دەڤەرێن ئازادكری، برایێ من گوت خوە ڤەگوهێزە ل گەل مە و دووڤدا ل داستانا دێرەلوكێ شەهید بوو، و ب شەڤ چووینە مالا (جوهەر ئەردنی) و برایێ من (ئەحمەد) بەروەخت ل گەل رێكخراوا (مەتین) بوو، (تەمەر رەمەزان) جێگرێ (محەمە صالح بوتی) بوو لژنا ئامێدیێ و سوز دابوو برایێ من كو دێ كەنە بەرپرسێ رێكخراوەكا سەربەخوە و برایێ من گازی من كر، و گۆت هەرە مال و مە گوهداریا وی دكر، چونكە برایێ مە یێ مەزن بوو و هوسا مە هزر كر كو (جەهوەر) گۆتیێ دو برا ل گەل ئێك و شەرەكی چێنابن، و هەر ئێكسەر مە گوهداری یا برایێ خوە كر، و چووینە مال و دیسا گۆت برایێ مە (خالد) ژی ل گەلیێ (دیهێ) ل گەل خوە بە و ئەو ژی رێكا مە دا بوو و هەتا ئەنفالان بەردەوام بوو.
پێشمەرگەیێ شۆڕەشا گۆلانێ دبێژیت: ئێكەم شەرێ پشكداربوویم ل سا 1985ێ بوو وی دەمی پێشمەرگە نەبووم و شەهید (محەمەد سالح بوتی) هاتنە دەڤەرا شێخان وی دەمی ما مە ل (بەرتاڤا) بوو ل دەڤەرا مزویری یا و هێزەكا مەزن ل گەل بوو و گوتە من مە كار ب تە هەیە و پێكڤە چووینە دەركەتنەكێ گۆت ب ژڤانین چالاكیەكێ ئەنجام بدەین ئەگەر هوون هاریكار و پشتەڤانیا مە بكەن و مە ژی گۆت یا مە پێ چێ بیت سەرچاڤا و گۆت دێ كەمینەكێ دانین و رەبیەك و كەلهەك ل سەرێ ئەتریش هەنە دو سێ هەڤالێن خوە ل گەل خوە بە و مە گوهداری كر ئەم چار چووین دو چوونە بەر رەبیێ و دو چوونە بەر كەلهێ و مە نەهێلا ئەو دەركەڤن هەتا (محەمەد سالح بوتی) چالاكیا خو كری و دەربازبوون چوونە دەڤەرا (بن) ئەم ژی زڤرینە ڤە و ئەڤە ئێكەم پشكداری یا من بوو ل گەل پێشمەرگەی و دیسا داستانا (كانی ماسێ) ژی ل گەل (ئەحمەد) بووم و دەسپێكێ نەهێلا بچم هەتا هێرش هاتیە سەر (گركا) و ئەڤە نەخوشترین چاكی بوو و پێشمەرگەی گەلەك دەڤەر ستاندن و گەلەك شەهید و بریندار پێشمەرگەی هەبوون و پێشمەرگە گەلەك وەستیا و حوكمەتێ هێزەكا مەزن ئینا و شەرەكێ گەلەك بزحمەت بوو و دەڤەرا بەربەلاڤ بوو ژ گەلەك ئالیان ڤە هێرش دهاتە سەر پێشمەرگەی و دەمێ(محەمەد سالح بوتی) بەرپرسێ لژنا (ئامێدیێ) شەهید بووی گەلەك كارتێكرن ل سەر مە هەبوو بگشتی و تایبەت برایێ من (ئەحمەد) چونكە ئەو وەكی برایێن ئێك بوون و دەمێ شەهید بووی (محەمەد سالح) و برایێ من ژی (ئەحمەد) ل داستانا (دێرەلوكێ) ئەڤە نەخوشترین رۆژ بوون بوومن و ئەو دو رۆژ بوو برایێ مە رێككەفتی 11-12/1/1988 (شەهید) بوو و مە پێزانین ل سەر نەبوو و هەر مەنەدزانی و ئێكەم شەهیدێ دستانا دێرەلووكێ بوو وبرەنیاس بوو دناڤا شۆڕەشێ دا ب (ئەحمەد غازی) و هندەك جهان ژی ب (ئەحمەد سكرینێ) و ئەو بارەگایێ ئەمنێ و هەوالگێریێ كربوو خەما وان و ئەوان بەری هەمیان جهێ خوە ستاندن دناڤا دێرەلوكێ دا و فەوجەكا دی ژی بەرامبەری وان بوو و چوونە فەوجا بەرامبەر وێرێ شەهید بوو.
یوسف نێروەیی هەروەسا گۆت: بۆ مێژوو دێ بێژم زێباری یا گەلەك هاریكاریا مە كر ئاغا و چەتا و ئەم گەهشتینە دەڤەرا وان چەتە وێرێ بوون و ئەوان گۆت خوە رادەست نەكەن، و حوكمەت دێ نەچاربیت لێبورینا گشتی دەت و مە هندەك مرۆڤێن خوە هنارتنە دەڤەرا شێلادزێ مە گۆت بتنێ ژ وێ ئاڤێ دەربازبین ئەم دێ دووڤدا چین و د شارەزاینە ل دەڤەرێ و دێ چینە وەلاتێ توركیا، و دووڤدا مە تەماشەی رێكێ كر و مە دیت ب دێربینا حوكمەتێ گەلەك خالێن لەشكری دنابوونە سەر ئاڤێ و كەسەك نەدشیا هاتن و چوونێ بكەت، و تایبەت ئەو دەڤەرێن دزانی جهێ چوونێ یێ هەی ، مە ئەرزاق ل گەل خوە بر بوو ناڤ زێباریان و دووڤدا ئەرزاقێ مە خلاس بوو ئەم هاتینە (مەڕانێ) بارەگایێ حزبا شوعی وێرێ بوو مە بخوە نان بر، ماینە دەڤەرێ هەتا لێبورین هاتی وی دەمی چەند مالێن نێروەی یا بووین و رۆژەكێ كورێ ئاغایەكی هات و گۆت هەما ل سەر ئەڤان گوندان بن بخوە ئاژەلی خودان بكەن و هندی ئاخا زێبارێ بیت كەس نەشێت دەستێ خوە بكەتە وە و ئەم رازی نەبووین، و مە گۆت كا خەلكێ مە كیڤە دچیت ئەم ژی دێ دووڤدا چین وی دەمی زێباری یا بوومە ترۆمبێل ئینان ئەم 14 خێزان بووین و ئەو كورێ ئاغای ل گەل مە هات هەتا ئاڤاهیەكی ل ئاكرێ و ئەم هەمی كومكرین وی گۆت خوە ژنك ژی بلا بێژن ئەم پێشمەرگەی نە و ئەگەر ئەو كور ل گەل مە نەبا وێ رۆژێ حوكمەت دا گەلەك مە ئێشینت و كەسەك ژ مە چ پەیڤێن عەرەبیێ ژی نەزانین و مامەلێن مە دروستكرن و خواترا خوە خواست و ب شەڤ حوكمەتێ ئیناینە كەلها نزاركێ و حوكمەتێ هندەك ژ مە ئێشاندن دو رۆژ دو شەڤا ماینە كەلها نزاركێ و دووڤ دا هنارتینە (بەحركێ) و خەلكێ هەولێرێ گەلەك چاڤدێریا مە كر و ئەم گەلەك سوپاسی یا وا دكەین و چ نەما بوومە نەكر و خوارن و ڤەخوارن و جلك و بەفر و لاندك و شیرێ زارۆكان و گەلەك هاریكاریا مە كر.
هەمان پێشمەرگەیی گۆت: ب درێژاهی یا خەباتا خوە یا پێشمەرگاتیێ پێنچ جاران بریندار بوویمە (كورەژار، چار چەلی، كانی بوتكێ، قەدشێ) ل دەڤەرا (كانی بوتكێ) تێنتی بن پێ من پەقی و من پیەكێ خوە ژ دەست دا و هەڤالێن من زیرەك بوو زی تەوارا من هاتن و كەمینە ل دەردورێن ئەلغامێ بوو و ئەوا گۆت بوو بلا كوم بن و تەوارێ بێن دێ لێدەین و پاش سوپاس بۆ خودێ هەڤالێن مە زیرەك بوو و قورتال بووین و هەمان دەم هاڤێتە مەژی.
ناڤبری گۆت: دەمێ بەحركێ ناڤ نڤێسین كو هەر كەسەكێ دڤێت دشێت بچیت و مە ناڤێ خوە بۆ (كورا) نێڤسی بوو و ل سەرهلدانێ مە ل وێ دەڤەرێ خوە بەرهەفكر ل گەل چەندین گەنج و لاوێن دەڤەرێ و ئەم ل گەل زاویتەیا چووین و ئەم بووینە (32) كەس و زاویتەی بەرا مە چوون و دو زالگە دانا بوون و نەهێلا نە ترۆمبێل ژ دهۆك بهێنە زاویتە و نە ژ ئامێدیێ بهێنە دهۆك چونكە لیوایەك بن كاژێن زاویتە بوو و هێزەكا مەزن بوو و چەكەكێ مەزن د دەستی دا بوو و ئەم نەشیاینێ و (جەعفەر زاویتەی) گۆت دێ كەسەكی هنێرینە دەف لەشكەری و دێ بێژینێ بێ شەر بلا دەڤەرێ بەردەن و راستی مە تاقەتا وان نەبوو و مە پیرەمێرەك ئینا و هنارت و لەشكەرێ عیراقێ گۆت خوە نێزیكی مە نەكەن و دێ شەری كەین و ئەو توپ هەبوون و بتنێ مە كلاشینكوف هەبوون و چەند هەڤالێن مە چوونە بەرامبەر و چەند گولە ل سەرا هاڤێتن و هەر ئێكسەر لەشكەرێ عیراقێ جهێ خوە بەردا و مە ژی خوە گرت هەتا هەمی بچن و چەك و ترۆمبێل هێلان ئەو رۆژ گەلەك یا خوش بوو و دەمێ پێشمەرگە مە سپێدێ دیتی زالگەه دانای و پاتێن زەر ب دەستی ڤە چ رۆژ ژ وێ رۆژێ خوشتر نەبوون.
ل دووماهیێ یوسف محەمەد غازی نێروەیی، گۆت: دڤێت كورد ببنە ئێك و ئەگەر تفاق دناڤ مە دانەبیت، ئەڤا نوكە دێ ژ دەست مە چیت و مە گەلەك ماندیبوون دیتی یە، خوە ئێكی شڤانی كربیت وی ژی ماندیبوون دیتی یە، چونكە وی وەختی هاریكاریا پێشمەرگەی كریە و چ مال نین هاریكاریا پێشمەرگەی نەكریە و بلا چاڤێ مە بتنێ ل مووچان نەبیت، ئەگەر تە ئاخ و ئالا نەبن و ب ئازادی هاتن و چوونێ نەكەی ما دێ چل مووچان كە، سەدامی مووچە دان بەلێ ئێك دوێریا بنڤیت، داخاز دكەم هاریكاریا پارتی بهێتەكرن چونكە ئەو بتنێ مایە ل گورەپانێ دا.
