دخوازن دووماهیێ ب دەستهەلاتا ئەردۆگانی بینن
ئەڤرۆ نیوز:
رۆژناما حوڕیەت یا تورکیا دوهی راگەهاند کو عەلی باباجان و ئەحمەد داوود ئوگلۆ ب راگەهاندنا دو پارتێن نوو دخوازن د هەلبژارتنێن داهاتی یێن تورکیا دا دووماهیێ ب دەستهەلاتا ئەردۆگانی بینن و ل گەل ئالیێن دی یێن ئۆپۆزسۆنێ بەرەیەکێ ل دژی ئەردۆگانی دروست بکەن.
هەمان رۆژنامێ دیار کریە کو هەر دو پارتێن نوو یێن تورکیا دخوازن ل گەل پارتیا کۆماری و پارتێن دی یێن ئۆپۆزسیۆنێ پێکڤە بەرەیەکێ بهێز دروست بکەن.
چاڤدێرێن سیاسی ژی دیار دکەن کو گەلەک ناکۆکی د ناڤبەرا وان پارتان دا هەنە و گەلەک زەحمەتە بشێن بەرەیەکێ ل دژی ئەردۆگانی و پارتا وی دروست بکەن، ب تایبەتی ژی کورد پشتەڤانیێ ل هەر دو پارتێن نوو ناکەن.