دخوازیت ئەو فێستیڤال د بەردەوامبن
سندس سالح سلێڤانەیی:
دەیكا مریەمێ، كو ئێك ژ شێفێن بەرنیاسێن پارێزگەها دهۆكێ یە و نوكە پشكدارە د فێستیڤالا شەڤانێن سەرێ سالێ دا كو ل (فاملی مۆلا) دهۆكێ یا بەردەوامە، د دیدارەكێ دا بۆ رۆژنامەیا ئەڤرۆ گۆت: ڤەكرنا ڤان جۆرە فێستیڤالان بۆمە هەموو پشكداران یا گرنگە، چنكو ل ڤێرە دەرگەهێ بازاڕكرنێ ڤە دبیت و ئەم بەرهەمێن خۆ لێ دفرۆشین، لەورا هیڤیا من ئەوە سالانە یا بەردەوام بیت.
هەروەسا گۆت: من گەلەك جۆرێن خوارنان بۆ ڤێ فێستیڤالێ چێكرینە، ب تایبەت ژی خوارنێن كوردی و ئەز دبینم خەلكێ دهۆكێ پتر حەزژ (ئیپراخ و پاچا) دكەن.