دخوازیت كلتۆرێ كوردی ب پارێزیت
هه‌رهین محه‌مه‌د:
خالد به‌كر، سترانبێژێ رۆژئاڤایێ كوردستانێ، د دیداره‌كی َدا بۆ رۆژناما ئه‌ڤرۆ گۆت: ئه‌ز نه بۆ بده‌ستڤینانا پاره‌ی یان به‌رنیاسبوونێ سترانان دبێژم، به‌لكو مه‌ره‌ما من بتنێ ئه‌وه ب رێیا سترانگۆتنێ كلتۆرێ كوردی ب پارێزم، له‌ورا ئه‌ڤه بیست ساله سترانان دبێژم و پتریا سترانێن من فولكلۆری و گه‌له‌ری نه و گه‌له‌ك ژوان سترانێن دبێژم ژی یێن من ب خوه نه و كو ژپه‌یڤ و ئاوازێن منن و گه‌له‌ك جاران سترانێن من سترانێن هونه‌رمه‌ندێن نه‌مر محه‌مه‌د عارفێ جزیری و ئه‌یازیوسف و ئه‌رده‌وان زاخۆیی گۆتینه و دیسان سترانێن هونه‌رمه‌ندێن عه‌فرینێ ژی گه‌له‌ك سترانێن جه‌میل هۆرو و عه‌لیێ كاپێ و بابێ سه‌لاح و گه‌له‌كێن دی.
زێده‌تر گۆت: ب راستی ل باشورێ كوردستانێ گه‌له‌ك ده‌نگێن خۆش هه‌نه وه‌كو هونه‌رمه‌ندان حه‌سه‌ن شه‌ریف و بلند ئیبراهیم و عه‌بدولقه‌هار زاخۆیی و حه‌زدكه‌م سترانێن دوقۆلی ل گه‌ل وان بێژم، نه‌كو دا پێ به‌رنیاس ببم، به‌لكو بتنێ من دڤێت چاندا هه‌رچار پارچێن كوردستانێ ب گه‌هینمه ئێك و روحێن هونه‌رمه‌ندان بگه‌هینه ئێك و دا كو هونه‌رێ مه یێ كوردی یێ پاراستی بیت و هه‌موو ده‌م دخۆشن بۆ من كو سترانان بێژم، چونكو ل گه‌ل سترانێ دژیم.
