دخوازیت ل دەزگەهەكێ راگەهاندنێ كار بكەت
دلڤین رەشید:
پێشكێشكار (هیڤی رەمەزان) د دیدارەكێ دا بۆ رۆژنامەیا ئەڤرۆ دیاركر كو ئەو خەلكا پارێزگەها دهۆكێ یە، دەرچویا پشكا ڤێرتەرنەری یە ل زانكۆیا دهۆك، ئەڤە بۆ دەمێ دو سالانە چوویە دناڤ بۆارێ راگەهاندنێ دا ، ب رێكا خۆل و وركشوپان خۆ فێری نڤێسینی و پێشكێشكاری كریە، دخوازیت ل دەزگەهەكی راگەهاندنێ كار بكەت.
ناڤهاتیێ گۆت: ژبەر حەزا من یا زێدە د بۆارێ راگەهاندنێ دا، گوهۆڕینێن مەزن دژیانا من دا پەیداكرینە، زێدەتر ئاشنای ژیانی بووم، راگەهاندنا كوردی بەرەف ئاراستەیێن باشڤە چوویە مرۆڤ دشێت ب رێكا ڤی كاری پتر خزمەتا مللەتێ خۆ بكەت، ب تایبەت ژی ژنا راگەهاندنكارا كورد ب هزروبیرێن خۆ یێن جوان رۆلەكی مەزن دناڤ جفاكێ كوردی دا گێڕایە، گەلەك گرنگە مرۆڤ دژیانا خۆدا خۆدان ئارمانج بیت و كار ژبۆ وێ بكەت، ئەز دێ بەردەوامبم ل سەر كارێ راگەهاندنێ چونكی ئێك ژ حەزێن منە هەتا رۆژەكێ دگەهمە هیڤیا خۆ و بشێم ب رێكا راگەهاندنی بمە دەنگێ كەسانێن بێ گونەه دناڤ جڤاكی مەدا.
