دخوازیت پرۆژەیەكێ هونەری ل فرەنسا بجهـ بینیت
عەلی حاجی:
شانۆڤان (لەیلا مەجیدی) د دیدارەكێ دا بۆ رۆژناما ئەڤرۆ دیاركر كو وێ پرۆژەیەكێ شانۆیێ و فوتۆگرافەری و سینەمایی هەیە، وێ دڤێت ل وەلاتێ فرەنسا بجه بینیت.
ناڤهاتیێ گۆت: دژیەكێ بچووكدا من حەز ل سەر هونەری هەبوو، لەوما ل قوتابخانێ تێكەلی شانۆیێ بووم و هەتا نوكە وەكو ئەكتەر و دەرهێنەر ل كوردستانێ بەردەوامیێ پێ ددەم، ژبەركو ل ئیرانێ زێدەتر رێك ب زەلامی دهێتە دان د ناڤ هونەری دا و دا كو ئەز ژ هونەری دوور نەكەڤم من د بوارێ وێنە و نیگاركاشیێ دا خواند و هەتا من زانكۆ ب دووماهی هەر كارەكێ شانۆیێ من ئەنجامدایی ئەز پەشیمان نینم، ژبەركو هزر و بیر بۆ من دروست كرینە و هەموو ژی من وەكو ئەندامێن لەشێ خوە خۆش دڤێن، لێ مخابن وەزارەتا رەوشەنبیری یا چالاك نینە و شانۆ ژبیركریە و نەبوونا سپۆنسەران ژی وەكریە ئەم نەشێن پرۆژەیێن خوە بجه بینین و من پرۆژەیەكێ فوتوگرافەری و شانۆیی و سینەمایی و هونەری هەیە و من دڤێت ل وەلاتێ فرەنسا بجه بینم و من دڤێت بۆ جل و بەرگان ژی یا ئازاد بم بەلێ جڤاكێ مە رێكێ نادەت یا ئازاد بم.
