دخوازیت گرنگی ب شیانێن گه‌نجێن ئه‌كادیمی بهێته دان
ئه‌ڤرۆ، عه‌لی حاجی:
په‌یكه‌رساز ئه‌حمه‌د ئدریس، د دیداره‌كێ دا بۆ رۆژناما ئه‌ڤرۆ دیاركر كو ئه‌و یێ خوه به‌رهه‌ڤ دكه‌ت دا بۆ جارا چارێ پشكداریێ د فیسته‌ڤالا قوتابیێن په‌یمانگه‌ها هونه‌رێن جوان ل دهۆكێ بكه‌ت و كارێ وی یێ ڤێ جارێ جوداهیه‌كا مه‌زن ل گه‌ل كارێن وی یێن به‌ری نوكه هه‌یه.
ناڤهاتی گۆت: ئه‌م ب هیڤی نه رێ ب مه بهێته دان بۆ ئه‌نجام دانا وێ فیسته‌ڤالێ ژبه‌ركو ئه‌و فیسته‌ڤال دبیته رێیه‌ك ئه‌م بشێن زێده‌تر كارێن خوه نیشابده‌ین و سالا بۆری ئه‌م نه‌شیاین وێ ڤیسته‌ڤالێ ئه‌نجام بده‌ین ژ ئه‌گه‌رێ قه‌ده‌غه‌یا هاتن و چوونێ، به‌لێ هیڤی خوازین ئه‌ڤ ساله هه‌بیت ژبه‌ركو ئه‌ڤه دووماهی سالا مه یا خواندنێ یه ل په‌یمانگه‌هێ ژبه‌ر هندێ حه‌زدكه‌ین ل دووف رێنمایێن ساخله‌میێ فیسته‌ڤال بهێته ئه‌نجام دان و پشكداریا مه ب په‌یكه‌رێ هونه‌مه‌نده‌كێ مه‌زن بیت ل كوردستانێ ومن دڤیا زێده‌تر سه‌رنجا خه‌لكی بۆ كاری راكێشم، و كارێ من كری ژی كاره‌كێ ئه‌كادیمی یه و هیڤی خازم زێده‌تر گرنگی ب شیانێن گه‌نجێن ئه‌كادیمی بهێته دان ژبه‌ركو كارێن باش ل ده‌ف وان هه‌نه.
