دخوازین ب تنێ كچ ڕاهێنه‌راتییا تیمێن فوتسالا كچان بكه‌ن
راپۆرت: پەروین سەلاح
پشتی ده‌ست ب ڤه‌كرنا خولا ئاستێ( B ) ل سه‌ر ئاستێ ئاسیا بۆ راهێنه‌رێن یارییا فوتبۆلێ ل پارێزگه‌ها دهۆكێ ئه‌وا ژلایێ فدراسیۆنا ئاسیا ب هه‌ڤكاری د گه‌ل فدراسیۆنا فوتبۆلا ئیراقێ و پارێزگه‌ها دهۆكێ ڤه هاتیه ڤه‌كرن ب پشكدارییا 24 راهێنه‌ران كو دناڤا ئه‌وان ڕاهێنه‌ران بتنێ دو راهێنه‌رێن كچ تێدا پشكداربوون ئه‌و ژی روبینا ره‌بن و زینه جه‌میل كو تاكه دو كچێن پارێزگه‌هێ بوون تێدا پشكداربوون و ئه‌ڤ خوله دێ بوو ماوێ 21 رۆژان یا به‌رده‌وام بیت، لدۆر ڤێ خولێ و گرنگییا وێ بۆ وه‌رزشا ك چان رۆژنامه‌یا ئه‌ڤرۆ بۆچوونێن هه‌ردو كچێن راهێنه‌ر وه‌رگرتینه ئه‌وێن بڤی شێوه‌یی دیار كریه.
زینه جه‌میل راهێنه‌را پشكدار دیا ركر به‌ری نوكه وێ پشكداری د خولا (C) ل سه‌ر ئاستێ ئاسیا دا كربوو لێ پشكداریا وێ یا ڤێ جارێ بۆ ئاستێ (B) جێوازیه‌كا مه‌زنتر هه‌یه ئه‌و ژی پتر پێزانین و شاره‌زاهییا مه باشتر لێدكه‌ت و دووماهی پێشهاته‌یێن راهێنه‌راتیێ دئینته پێشچاڤ ب شوه‌یێ تیۆری و پراكتیكه تایبه‌ت ژلایێ وانه‌بێژان ڤه كو پتر پێزانین ل سه‌ر ئاستێ هونه‌ری ده‌نه راهێنه‌رێن پشكدار، دڤێ خولێ دا بتنێ ئه‌م دو كچ پشكدارین هیڤییا منه ل سالێن بهێت پتر راهێنه‌رێن كچ دیاربن ژبه‌ر كو دا وه‌زرشا كچا نه مریت و ئه‌گه‌ر راهێنه‌رێن كچ ل سه‌ر ئاستێ پارێزگه‌هێ زێده‌بن دێ چالاكیێن وه‌رزشی ژی زێده‌تر لێهن.
زینه جه‌میل ئه‌و چه‌نده ژی دیار كر د هه‌می بواران دا كچ رولێ خوه دبینت تایبه‌ت د وه‌رزشێ دا كو به‌ری نوكه ل سه‌ر ئاستێ پارێزگه‌هێ یانه‌یێن مه شیاینه چه‌ندین ده‌ستكه‌فتا ل سه‌ر ئاستێ كوردستانێ و ئیراقێ ب ده‌ستخوڤه بین و دیار كر ژی پشتی خولا راهێنانی ب دووماهیی بهێت ئارمانجا وێ دێ زێده‌تر لێهێت و دخوازیت كارێن باشتر وه‌رزشێ دا بكه‌ن.
ژلایێ خوه ڤه روبینا گورگیس شمو گۆت: پشتی مه پشكداریی دخولا راهێنه‌ریی یا بی دا كری مه دیت جێوازیه‌كا مه‌زنتر یا هه‌ی كو دخۆلا سێ دا هه‌ر كه‌سه‌ك دشێت پشكداریێ تێدا بكه‌ت ژبه‌ركو پتر ب ساناهیترە لێ زه‌حمه‌تا وێ پتره و دڤێ خولێ دا پتر فێربووینه و مفایه‌كێ باش مه ژ وانه‌بێژێن خوه دیتی یه.
سه‌باره‌ت پشكدارییا ئه‌وان وه‌كو دو كچان ل گه‌ل 21ێ راهێنه‌رێن دی كور ناڤبریێ گوت: ئه‌ڤه جهێ شانازیێ یه ئه‌م دو كچ ب تنێ ژ دهۆكێ پشكدارین و دێ هه‌موو بزاڤا كه‌ین كارێن باشتر ل پاشه‌رۆژێ ئه‌نجام بده‌ین و سه‌رێ پارێزگه‌ها خوه هه‌رده‌م بلند بكه‌ین ل دووماهیێ روبینا ئاماژه ب وێ چه‌ندێ ژی كر هیڤی دكه‌م ژ فدراسیۆنا فوتبۆلا كوردستانێ ل ماوه‌یێ بهێت بریارێ بده‌ن بتنێ راهێنه‌رێن كچ راهێنه‌رییا تیمێن پشكدار دخۆلا فۆتسالا كوردستانێ دا بكه‌ن داكو راهێنه‌را كچ پتر رولێ خوه باشتر بینت و ده‌لیڤه‌یا پتر بوو وێ هه‌بیت د ڤی بواریی دا هه‌ر چ نه‌بیت.
