دخولا یانێن ئوروپا دا دەلیڤیا باشکرنا ھەلویستی یا ھەی
ئەڤرۆ نيوز:
یاریێن گەرا ئێکێ یێن قوناغا کومان یا خولا یانێن ئوروپی یا ب ناڤێ یورپا لیگا، بریارە ئەف شەڤە بھێنە کرن و تێدا ھژمارەکا یانێن خەون و ئارمانجێن وان ب جە نەھاتین بو پشکداریێ د قارەمانیا ئوروپی دا دێ شیانا مەزێخن ب گەھنە دووماھی قوناغێن ڤێ خولێ مینا ڤیاریال و ئەتلەتیکو مەدرید یێن ئسپانی و لێڤەرپول یا ئێنگلیزی و بوردو و موناکو یێن فرەنسی ل گەل ھژمارەکا دی یا یانێن ئەلمانی.
یانا ئوجسبورگ یا ئەلمانی ئەوا ل وەرزێ بوری ژ نەشکەکێ ڤە و ب ھێز پێشڤە ھاتیە سەرێ لیستا خولا ئەلمانیا و ل دووماھیێ رێزا پێنجێ ب دەستخوەڤە ئینا و پێلتا پشکداریا خولا ئوروپا مسوگەر کر، لێ ل ڤی وەرزی نەشیایە ل ئاستێ پێدڤی بھێتە دیتن ب تایبەت د خولا ئەلمانیا دا و نوکە چار روژێن چارەنڤێسی ل پێشن ئەوژی کرنا یاریێ د خولا ئوروپا دا ل گەل یانا ئەلکەمار یا ھولەندی ل یاریگەھا یا دویێ کو نوکە ل دووماھیا لیستا کومێ و ل ئێکشەمبیا بھێت د گەل بروسیا دورتموند د خولا ئەلمانی دا.
ژلایەکێ دووڤە نوکە ھەردو یانێن شالکە و بروسیا دورتموند ھەلویستێ وان باشترە کو ھەردو ل سەرێ لیستێن کومێن خوە دھێن و ھەتا رادەکی یاریێن وان ییچن ڤێ گەرێ ب ساناھی نە کو بروسیا دورتموند دێ بیتە مێڤانداریا گیلان گابالا یا ئەزربیجانی و شالکە دێ بیتە مێڤانا سپارتاک براج یا چیکی.
یانا ناپولی یا ئیتالی یا ب ھیڤی یە پاراستنێ ل سەر دەستپێکا خوە یا ب ھێز بکەت د ھەردو خولێن ئیتالیا و ئوروپی دا دەمێ دبیتە مێڤانا یانا میدیتیلاند یا دانیمارکی ژ کوما چارێ کو ھەردو یانە نوکە ب ھەڤپشکی ل پێشیا ڤێ کومێ دھێن ژ سەرکەفتنێن ل سەر یانێن لیگا وارسو یا پولەندی و بروج یا بەلجیکی ئەوێن دێ ئەفشەڤە یارییچن خوە ل گەلێک کەن.
یانا لێڤەرپول یا ئێنگلیزی ئەوا د ھەردو یاریێن خوە یێن بوری دا دو خال خرڤەکرین دێ بزاڤێ کەت سەرکەفتنا خوە یا ئێکێ د ڤێ کومێ دا تومار بکەت دەمێ مێڤانداریا روبێن کازان یا روسی دکەت و تایبەت ئارمانجا راھێنەرێ وێ یێ نوو یورگن کلوپ ئەو ھەبونا خوە ل گەل ڤێ یانێ دیار بکەت و یانێ ڤەگەرینتە سەر رێکا سەرکەفتنا و ژلایەکێ دووڤە وەلاتیا وێ یانا توتنھام دێ بیتە مێڤانا یانا ئەندرلاخت یا بەلجیکی کو ھەتا رادەکی دبیت یریەکا ب زەحمەت بیت بو یانا ئێنگلیزی چونکو یانا بەلجیکی ب تنێ خالەک ھەیە ل دووماھیا کوما دەھێ.
ژ گرنگترین یاریێن دێ ئەف شەڤە ھێنە کرن موناکو یا فرەنسی دێ مێڤانداریا کارباکا ئەگدام یا ئەزربیجانی کەت، روزنبورگ یا نەرویجی دێ مێڤانداریا لازیو یا ئیتالی کەت، ئەتلەتیکو بلباو یا ئسپانی دێ بەر ب سربیا چیت و یاریا خوە ل گەل پارتیزان بەلێگراد کەت. فیورنتینا یا ئیتالی د گەل لیخ بوزان یا بولەندی، ئەیاکس ئەمستردام یا ھولەندی دێ بیتە مێڤانا فەنەربخشە یا تورکی، بوردو یا فرەنسی د گەل سیون یا سویسری، مولدە یا نەرویجی د گەل سێلتیک یا ئوسکوتلەندی، میتولاند یا دانیمارکی د گەل ناپولی یا ئیتالی، ڤیاریال یا ئسپانی د گەل دینامو مینسک یا روسیا سپی و مارسیلیا یا فرەنسی دێ بیتە مێڤانا سپورتیگ براگ یا پرتوگالی.
