درامایێن كوردی ژ یێن بیانی كێمتر نینن
ئەڤرۆ
عەزیز هەورامی:
هونەرمەند (فەریدون قاسم) د دیدارەكێ دا بۆ رۆژناما ئەڤرۆ دیاركر كو ئەڤە دەمەكە ئەو مژوولی زنجیرە درامایەكا بیست و سێ خەلەكی نە و دێ د هەیڤا رەمەزانێ دا هێتە نیشادان.
ناڤهاتی گۆت: ئەڤ درامە ب ناڤێ (كوشكی هەنار) ە، هزر و چیرۆك و دەرهێنان جەمیل مەفاخری یە، سیناریۆ ئۆمێد كەمال، روودانێن وێ ل سلێمانیێ و هەولێرێ دهێنە وێنەكرن و ئەكتەرێن پشكدار ژی هەر ژ وان هەردو پارێزگەهانە، من ژی كۆمێدیا هەلبژارتیە چنكو گەلەك بینەر هەنە، لێ مخابن دەمێ پشتەڤانی بۆ بەرهەمێن خۆمالی نە بیت ل وی دەمی دێ بەرهەمێن بیانی هێنە دۆبلاژكرن و پتریا وان ل گەل رەوشتێ مە ناگۆنجن، بۆ زانیێن درامایێن كوردی ژ یێن بیانی كێمتر نینن، لێ وەكو مە دیاركری هەكە پشتەڤانی نەبیت دێ رەوشا هونەری بڤی رەنگی بیت، بۆ زانین مە كەنال هەنە شیانێن بەرهەمئینانا فلم و درامایێن كوردی هەنە لێ بۆچی پشتەڤانیێ لێ ناكەن بەرسڤ یا ل دەف وان و مە ئەكتەر هەنە دشێن رۆلێن رۆمانسی ب باشی بگێڕن لێ هەتا نوكە كلتۆرێ مە وێ رێكێ نادەت.
