دراما چایخانە د ناڤبەرا ئاریشەیێن جڤاكی و ستافێ درامایێ دا دهێتە چێكرن
ئەڤرۆ
ئەڤرۆ، هەرهین محەمەد:
دەرهێنەر بەیار عزەت دیاركر كو نوكە ئەو مژوولی چێكرنا دراما (چایخانە) و ژ دو وەرزان پێك هاتیە هەر وەرزەك 30 خەلەكەنە و هەشت خەلەكە ژوەرزێ ئێكێ هاتینە پەخشكرن و ل نێزیك دێ دەست ب وەرزێ دوێ ژی هێتەكرن و دێ بۆ دەمێ سالەكێ پتر یا بەردەوام بیت و ل كەنالێ ئاڤا تیڤی هێتە پەخشكرن.
بەیاری هێشتاژی گۆت: ناڤەرۆكا ڤێ درامایێ دا گەلەك كەس تێدا دپشكدارن و ئەكتەرێن هەر چار پارچێن كوردستانێ نە و هەردیسان هەر سێ ئول ژی پشكدارن و دبابەتێن وێ دا پێكڤەژیان تێدا یادیارە و بابەتێ سەرەكی كومێدیە و ل سەر كەسایەتیەكێ یە و دڤێت هەموو تشتان بخوە راكەت دڤێ چایخانێ دا كوردستان وەكو كوردستانێ یە و هەموو جورێن مرۆڤان تێدا هەنە و دیسان د هەمان دراما دا بابەتێن جڤاكی یێن هەمە جور هاتینە ئازراندن و مە ناڤێ وێ كریە چایخانە، ژ بەر كو هەموو كەس قەستا چایخانان دكەن و هەر كەسەك گلە و گازندێن خوە ل وێری بۆ هەڤالێن خوە دبێژن.
دەرهێنەرێ درامایێ ئەو چەندە ژی گۆت: وەرزێ دوێ ژ ڤێ درامایێ دێ ب رەنگەك و تەكنیكەك و ستافەكێ باشتر دێ ل هەیڤا شەش هێتە چێكرن و هەروەسا ئەكتەر ژی دێ هێنە گوهۆڕین، چونكو دراستی دا د وەرزێ ئێكێ دا مە ئەزموونەكا باش دیت بوو و بۆ مە دیاربوو دێ ل گەل كیژ ستافی و ئەكتەران كاركەین و ژڤان بوو ل سالا بوری ل هەیڤا پێنچ دەست ب ڤێ درامایێ بكەین، بەلێ دڤێ درامایێ دا گەلەك ئاریشە بۆ مە چێبوون و دو ئەكتەرێن سەرەكی خەلیلی چاڤەكێ خوە ژدەست دا و دیسان جەلال ژی نەساخبوون و ئەكتەرێ مە گوڤار ئەنوەر وەغەركر و گەلەك ئاریشێن دی بۆ مە چێبوون و چار ئەكتەرێن هەولێرو سلێمانیێ بێ ئەگەر كار هێلا و گوت ئەم كار ناكەین و مە گرێبەست ل گەل هەموو ستاف و ئەكتەران چێكریە و هەركەسەكێ بیتە ئەگەرێ تێكدانا كاری دێ پێرابوونێن قانونی ل هەمبەر دێ هێنەكرن و مە رێز ژی ل وان گرتیە، بەلێ بوونە ئەگەرێ تێكدانا كاری و سیناریویا مە تێكچوو رۆلێن وان ژی سەرەكی بوون و مە بەردەوامی دایێ و مە خوە نەگرت سیناریویەكا دی چێكەین، ژ بەكو دگرێبەستا مە دا ل گەل كەنالێ ئاڤا دڤێت هەتا سەرێ سالێ هاتبا بەخشكرن و كەنالی ژی گوتە مە كارێ خوە بكەن و سیناریو ب چ رەنگ بیت دڤێت هوین بۆ مە فرێكەن و ئەو سیناریویا مە چێكری بتنێ 15% یێ ژێ رازی مە و پشتی مە كاركری و دەه خەلەكە مە چێكرین گرۆپەكێ دی دناڤ ستافی دا چێبوو دڤیان كاری تێكدەن و دیسان گەلەك تشت مە وێنەكربوو 50% مە ژێ بریە ژبەكو وێنەك و تەكنیەكا بێ سەرۆبەر بوو و نەچار بووین گوهورینان دستافی دا بكەین.
