درێژاھیا نڤستنا ژنێ کارتێکرنێ ل حەزێن وێیێن سیکسی دکەت
ئه‌ڤرۆ:
ئەنجامێن ڤەکۆلینەکا زانستی دیار کر کو درێژاھیا نڤستنا ژنێ کارتێکرنێ ل حەزێن وێیێن سیکسی دکەت، کو ئەو حەز ل گەل درێژاھیا نڤستنێ زێدە دبن.
زانایێن زانکۆیا دیوک یا ئەمریکی دیار کر کو کێم نڤستن یان تێر نەنڤستن کارتێکرنێ ل بەردانا ھورمۆنێن سیکسی و حەزا سیکسی ل ژنێ دکەت.
د ڤەکۆلینێ دا ١٧٠ ژنان پشکداری کربوو، بۆ چەند کۆمان ھاتبوونە بارڤەکرن، د چارچووڤێ چەند حەفتیان دا ڤەکۆلەران چاڤدێری ل سەر رەنگڤەدانا لەشێ وان دکر د کاودانێن جودایێن نڤستنێ دا.
ڤەکۆلەران وەسا ئاشکرا کر کو ئەو ژنێن ٧ – ٨ سەعەتان د رۆژێ دا نڤستین، حەزا وان یا سیکسی ل رۆژا پاشتر گەلەک یا بلند بوو( ئەڤ چەندە تاقیکرنێن ھورمۆنان و رێیا رەنگڤەدانا بیولۆژی دوپات کر کو دشێت حالەتێ دەروونیێ مرۆڤی دەسنیشان بکە.
ل دووڤ گۆتنا ڤەکۆلەران، ھەر سەعەتەکا زێدە یا نڤستنێ (ھەتا ٩ سەعەتان) بەردەوام، حەزا سیکسی ل نک ژنێ ب رێژا ١٥% زێدە دکەت، چونکو ھورمۆنێن سیکسی “ئەسترۆژین و بروجستیرۆن” ب ھورمۆنێ “میلاتونین” یێ خەوێ ڤە دگرێداینە.
