درێژترين و كورتترين ده‌مێن رۆژيگرتنێ ل جيهانێ
ئه‌ڤرۆ نيوز، فاتما مزوورى:
درێژترين ده‌مێن رۆژيگرتنێ دكه‌ڤنه وه‌لاتێن باكوورێ ئورۆپا كو دگه‌هيته 21 ده‌مژمێران و كێمترين ده‌مێن رۆژيگرتنێ ژى دكه‌ڤنه وه‌لاتێن ئه‌مريكا باشوور.
ب گۆره‌ى نووچه‌كێ نووچه 24 يێ سعودى، درێژترين ده‌مێ رۆژيگرتنێ ل هه‌يڤا ره‌مه‌زانێ ل سالا 2016ێ ل هه‌ر ئێك ژ وه‌لاتێن نه‌رويج و دانيمارك بيت كو ب وه‌لاتێن باكوورێ كيشوه‌رێ ئورۆپا د به‌رنياسن و ده‌مژمێرێن رۆژيگرتنێ ل وان دو وه‌لاتان دگه‌هيته 21 ده‌مژمێران.
ب وێ چه‌ندێ كو ل هه‌رێما كوردستانێ، پارێزگه‌ها دهۆكێ، رۆژا ئێكێ يا ره‌مه‌زانێ ل ده‌مژمێر 3:8 ده‌قيقه بانگێ سپێدێ دا و هه‌كه خودێ حه‌ز بكه‌ت بانگێ مه‌غره‌ب دێ ل ده‌مژمێر 7:28 ده‌قيقه بيت، ده‌مژمێرێن رۆژيگرتنێ دبنه 16 ده‌مژمێر و 20 ده‌قيقه.
ده‌رباره‌ى كێمترين ده‌مێ رۆژيگرتنێ ل وه‌لاتێن جيهانێ ژى دايه زانين كو ل وه‌لاتێن كيشوه‌رێ ئه‌مريكا باشوور كو ل به‌رى وان هه‌موويان ژى ئه‌رژه‌نتين دهێت كو ب تنێ دێ 9 ده‌مژمێر و 30 ده‌قيقان موسلمانێن وى وه‌لاتى ب رۆژى بن.
