درەخشان خالد: هەكە دەرحەق نە دەركەڤم دوبارە ناكەم
ئەڤرۆ
هەرهین محەمەد:
درەخشان خالد، مەدیاكار و ئەكتەرا گەنج، د دیدارەكێ دا بۆ رۆژناما ئەڤر گۆت: زارڤەكرن حەزا من نەبوو، بەلێ تشتەك بوو ژ نیشكەكێ ڤە روودا و نیازا من نەبوو من گەلەك خۆ ژێ دوور دكر و گەلەك ئاخفتن ل سەر من هاتن، ژبەر هندێ بۆ من بۆ مەرەق و من دڤیا تاقی بكەم كا دێ یا چەوا بیت و دراما باسۆ ئەوا كو ل هەیڤا رەمەزانا پیرۆز ل شاشەیا دهۆك تیڤی دهاتە پەخشكرن ئێكەم دراما بوو من پشكداری كری و بۆ بەردەوامی یا ڤی كاری ژی هەتا نوكە من چو بڕیار نەداینە و هەكە دەلیڤێن باش بهێن دبیت یا بەردەوام، چونكو كارێ من یێ سەرەكی رۆژنامەڤانی یە و حەزدكەم خوە د وێرێ دا پێش بێخم و دبینم كارێ راگەهاندنێ ب ساناهی ترە ژ زارڤەكرنێ و ئەڤە بۆ دەمێ چەندین سالە وی بۆاری دا كاردكەم و زارڤەكرنا تاقیكرنا من یا ئێكێ یە.
هەروەسا گۆت: پشتی دراما باسۆ هاتیە پەخشكرن ئەو كەسێن نە ڤیان زارڤەكرنێ بكەم دەست خۆشی ل من كرن و خێزان و هەڤالێن من پشتەڤانیا من كرن كو خوە بچمە دمەیدانا زارڤەكرنێ دا و ئەو رۆلێ ئەز پێ رابوویم یێ ب دلێ من بوو، ژبەركو كچەك بوو گەلەك نەخۆشی ب سەری هاتبوون و دبیت ئەو چەندە راستیا گەلەك كچێن مە یێن كورد بن و ل دەستپێكێ من ترسا جڤاكی هەبوو كو ڤی تشتی قەبوول نەكەن، پاشان من هزرا خوە كرو گەهشتمە بڕیارا دووماهیێ و دبینم هەردەلیڤەكا بهێت هەكە مرۆڤ بهایێ وێ بدەتێ بلا ژدەستێن خوە نەكەت و هەكە بزانم دەرحەقێ زارڤەكرنێ نا دەركەڤم دوبارە ناكەم.
