دشا وێ بێ بەختیا خیانەتی ب دووڤ ڤەنا

ئه‌ڤرۆ نيوز:

پاریزەرەکێ دادگەھا زاخۆ راگەھاند، کو دوو برا لنک ئێک دئاڤاھیەکێ دا ئاکنجی بوون و ھەردوو خودان خێزان بوون ژ بەر میراتی و مانا وی ئاڤاھی ژنەک ژ وان بێ بەختی ل دشا خوە کر ب مەرەما ھەبوونا پەیوەندیەکا نە دروست دگەل کەسەکێ بۆ ھندێ ئەو ئاڤاھیێ تێڤە بۆ وێ بمینت.
زاخۆ، ھشیار دوبانکی:
حسێن زێوکی پارێزەر ل دادگەھا زاخۆ بۆ رۆژناما ئەڤرۆ دیار کر کو ژنەک دگەل دشا خوە دئاڤاھیەکێ ڤە ئاکنجی بوون و گۆت: دشا وێ حەسکر ئەو ئاڤاھیێ تێڤە بۆ وێ بمینت رابوو بێ بەختی ب دووڤ ڤەنان، گوتژی پشتی بێ بەختی ب دووڤ وێ ژنێ ڤە ھاتیە کرن کو ئەڤێ ژنێ پەیوەندیەکا نە دروست دگەل کەسەکێ بیانی یێ ھەی و دگەل دئاخڤیت، ئارێشە مەزن لێ ھات و مالباتا کچێ ھاتنە دناڤ ئارێشێ دا و ئەڤ کچە سل دبیت و قەستا مالا بابێ خوە دکەت. پارێزەرێ خویا ژی کر کو پشتی ئەڤ کچە سل بووی دشا وێ رابوو دانپێدان کر کو وێ بێ بەختی لێ کریە و چ راستی بۆ وێ چەندێ نینە وێ ژنێ رابوو سکالە ل سەر دشا خوە و ھەڤژینێ خوە تومار کر چۆنکی پشتی بێ بەختی لێ ھاتیە کرن زەلامێ وێ ئەو ژ مالا خوە دەرێخست بوو.
ل دووماھیێ ژی پارێزەری ئەو چەندە ژی نە ڤەشارت کو پشتی سکالە ل سەر ھاتیە تومارکرن ژنک و زەلام ھاتنە داخاز کرن ژ لایێ دادگەھێ ڤە زەلامێ وێ ھاتە زیندانکرن و دشا وێ ب کەفالەت ھاتە بەردان.
زێدەتر گۆت: ل دادگەھێ ھەردوویان دانپێدان نە کر، بەلێ ژنکا بێ بەختێ لێ ھاتیە کرن دیدەڤان ھەبوون و دادگەە دبەرژەوەندیا وێ دا ب دووماھیک ھات.

کۆمێنتا تە