دشێم هەڤڕكیا وێنەگران بكەم
ئەڤرۆ
هەرهین محەمەد:
وێنەگر (هونەر بریفكانی) د دیدارەكێ دا بۆ رۆژناما ئەڤرۆ گۆت: وێنەگرتنا فوتۆگرافی ن ەكارەكێ ب ساناهی یە و داهێنان و زیرەكی پێ دڤێت و ئەو كەسێ ببیتە وێنەگر دڤێت بزانیت ژكیژ لایی ڤە دێ وێنەی گریت و دێ چەوا گریت و ئەز حەز دكەم وێنەیان بۆ سرۆشتی و گولان بگرم و هەر كەسەكێ داخواز بكەت یێ بەرهەڤم بێ بەرامبەر وێنە و ڤیدیۆیان بۆ چێكەم.
هونەری گۆت: چ رۆژ ناچن وێنەیان نەگرم و هەكە من بۆ عەوران و سرۆشتی گرتیە دڤێت بگرم و دبینم وێنەیێن ب مۆبایلێ و كامیرێ چو جوداهیا خۆە نینە و یا گرنگ ئەوە جوان و سەرنجراكێش بهێتە گرتن و ئەو كەسێ ب مۆبایلێ وێنەیان دگریت و سەرنجا یێ بەرامبەری خوە رادكێشیت ئەو ژی وێنەگرە، چونكو تەلەفۆنێن نوكە كامیرێن وان گەلەك دپێشكەفتی نە و نوكە گەلەك جاران كامیرا من ل گەل من نینە و ب كامیرا تەلەفۆنێ وێنەیان دگرم و ڤیدیۆیان چێدكەم و دشێم هەڤڕكیا وێنەگران بكەم.
