دكتۆر فازل نهبی: بهغدا دێ پێگیریێ ب هنارتنا پشكا بودجێ ههرێمێ كهت
ههولێر، قائید میرۆ
بهرپرسهكێ بهرێ یێ حوكمهتا عێراقێ ئاشكراكر، رێكهفتن هاتیهكرن بۆ چارهسهركرنا ئاریشهیێن دناڤبهرا ههرێما كوردستانێ و بهغدا، لهڕوا پێشبینی دكهم ههر پشكهكا دناڤا بودجێ گشتیێ عێراقێ بۆ ههرێما كوردستانێ بهێته دیاركرن دێ حوكمهتا بهغدا پێگیریێ ب هنارتنا پشكا ههرێما كوردستانێ كهت. ههروهسا دبێژیت: پێدڤیه كورد ب شارهزایی رێكهفتنێ بكهن و دناڤا بودجهی دا دهلیڤێ نههێلن سبههی بهغدا بههانایان پهیداكهت بۆ ڤێ چهندێ پێگیر نهبیت.
دكتۆر فازل نهبی، بریكارێ بهرێ یێ وهزارهتا دارایا عێراقێ بۆ رۆژناما ئهڤرۆ دیار كر “ئهو زانیاریێن بهحسێ ڤێ چهندێ دكهن، ههرێما كوردستانێ داخواز ژ بهغداكربیت پشكا ههرێما كوردستانێ ل 17%ێ بهێته زێدهكرن چو راستی بۆ نینه، چونكه من زانیاری ههنه ههرێمێ ب تنێ داخوازكریه پشكا وان 17%ێ بیت دناڤا بودجێ گشتیێ عێراقێ، ل سالا 2005ێ ههتا سالا 2017ێ پشكا ههرێما كوردستانێ ههر دناڤا بودجهی دا 17%ێ بوویه، بهلێ مخابن پشتی ئهم ڤهگهڕیاین ل بهغدا پشكا ههرێما كوردستانێ هاته كێمكرن بۆ 12%ێ.
زێدهتر گۆت: مافێ ههرێما كوردستانێ یه داخوازێ ڤی رێژا 17%ێ بكهت، ئهز باوهرم دهمێ ڤێ جارێ شاندێ دانوستانكارێ ههرێما كوردستانێ سهرهدانا بهغدا دكهت، بێگومان دێ بسپۆر دگهلدابن، ههتا بشێن ب شێوهیهكێ تهكنیكی بگههنه ئهنجامهكی، داخوازیێن زۆر ژی كارهكێ شاشه، ب دیتنا من پێدڤیه داخوازیێن ههرێمێ ژی ل گۆرهی شیانێن بهغدابن، نهك داخوازهكێ بكهن و حوكمهتا عیراقێ شیانێن بجهئینانێ نهبن
دیار كر ژی، هێشتا رێكهفتن ل دۆر پڕۆژه قانوونا بودجێ عێراقێ نههاتیهكرن، بهلێ ئهگهر بهێت و ههردو حوكمهت بگههنه رێكهفتنێ و دناڤا پڕۆژه قانوونا بودجهی پشكا ههرێمێ بهێته دیاركرن، ئهڤه لمن وهربگرن دێ حوكمهتا بهغدا یا پێگیربیت ب هنارتنا پشكا ههرێما كوردستانێ.
دكتۆر فازل نهبی ئاماژه كر ” ههردولا بهری نوكه لدۆر بودجێ سیادی و حاكیمه بۆ كڕینا دهرمانا و هنارتنا ئهرزاقێ ههیڤانه یێ وهلاتیان رێكهفتن هاتیهكرن و چو ئاریشه تێدا نینن، ئهگهر ئاریشه ل دۆر بودجێ سیادی ژی ههبیت، ئهڤه ئاریشهیێن بچووكن ب شارهزایی دێ ئهو ژی بهێنه چارهسهركرن،
خویاژی كر، ئهز وهسا دبینم دڤێت برادهرێن مه دهمێ دچنه بهغدا دهلیڤێ نههێلن، راسته بادهكا نهفت و غازێ زۆر دگرانن و ب زهحمهتی دهێنه بجهئینان، ژبهركو ههردوك پێكڤه گرێداینه نهفت و غاز و بودجه پێكڤهنه، بهلێ ئهڤه واتایا وێ چهندێ نادهت ئهم دگهل بهغدا نهگههینه رێكهفتنێ، بهلێ پێدڤیه ب شێوهیهكی رێكهفتن بهێتهكرن بهغدا نهشێت فێلێ ل ههرێما كوردستانێ بكهت ههروهكی سالا 2019 و 2021ێ بهغدا ب رێیا قانوونێ فێل ههرێما كوردستانێ كربوو.
