دلبرین هالۆ: رۆلـێ گەنجان بۆ سەرئێخستنا لیستا 275 یێ گرنگە
زاخۆ، دلۆڤان هالۆ:
دلبرین هالۆ، كارگێرێ لقێ هەشت و بەرپرسێ بەشێ دارایی یێ لقێ هەشت یێ پارتی ل زاخۆ، ل هۆلا بارەگایێ لقێ ل ئیدارا سەربخوە یا زاخۆ سمینارەك بۆ هەژمارەكا زۆر یا زێرەڤانێن ئێمناهیێ ل زاخۆ پێشكێشكر.
د سمینارێ دا هەژمارەیەكا پێشمەرگێن دێرین و كەسایەتی و كادرێن پارتی ئامادەبوون، دلبرین هالۆ تێدا ئاماژە ب پشتەڤانیكرنا لیستا 275 یا پارتی بۆ پەرلەمانێ ئیراقێ كر و دوپاتی ل سەر رۆلێ گەنجان، ب تایبەت د ڤێ قووناغێ دا كر و گۆت: «رۆلێ گەنجان بۆ سەرئێخستنا لیستا 275 یێ گرنگە».
گۆت ژی: «سەرئێخستنا لیستا پارتی گرنگیەكا تایبەت هەیە، پێخەمەت بەرەڤانیكرن ژ مافێن كوردان ل بەغدا و پاراستنا دەستكەفتێن هەرێما كوردستانێ».
