دلبه‌ر جزیرى: داخواز ژ من هاتیه كرن پشكداریێ د فلمێن سینه‌مایى دا بكه‌م
ئه‌ڤرۆ نیوز ، زنار تۆڤى:
خانما سترانبێژ دلبه‌ر جزیرى، كو خه‌لكێ جزیرێ یه ل باكورێ كوردستانێ و ئه‌ڤه ده‌مێ چه‌ند سالانه ل وه‌لاتێ ئه‌لمانیا دژیت، بۆ ئه‌ڤرۆ نیوز دیار كر: وێ چه‌ند پرۆژێن نوو بۆ سالا نوو هه‌نه و حه‌ز دكه‌ت كار ل سه‌ر وان هه‌موو پرۆژان بكه‌ت، هه‌روه‌سا هه‌تا نوكه وێ هزر د هندێ دا نه‌كریه، كو ئه‌و پشكداریێ د فلمێن سینه‌مایى دا بكه‌ت، لێ داخوازى ژ ئالیێ كۆمپان ڤه بۆ وێ هاتینه وه‌كو ئه‌كته‌ر پشكداریێ د فلمێن سینه‌مایى دا بكه‌ت، هه‌روه‌سا داخواز ژ وێ هاتیه كرن كو ئه‌و سترانێن دویت ل گه‌ل هنده‌ك هونه‌رمه‌ندان چێكه‌ت، لێ هه‌تا نوكه وێ بریار نه‌دایه، كو ئه‌و پشكداریێ د ئه‌ڤان هه‌ردو كاران دا بكه‌ت، دیسان دووماهى كارێ وێ چێكرنا كلیپه‌كێ بوو، كو وێ ل گه‌ل سترانبێژ ئسلام زاخۆیى و مسته‌فا ئالانى گۆتیه، كو ئه‌و كلیپه ژى ژ ده‌رهێنانا ئازاد میدى بوویه.
دلبه‌ر هێشتا دبێژیت: وێ گه‌له‌ك سۆپرایز ژ بۆ حه‌ز ژێكه‌رێن خوه هه‌نه و دیسان وێ پرۆژه‌ك هه‌یه، كو ئه‌و دێ ل گه‌ل سترانبێژه‌كێ ناڤدار یێ بریتانى كار كه‌ت و دێ به‌رهه‌مه‌كێ نوو د سالا 2020 دا چێكه‌ت، هه‌روه‌سا ئه‌و حه‌ز دكه‌ت ئه‌لبۆمه‌كێ ژى د سالا نوو دا چێكه‌ت، لێ ژبه‌ر نه‌بوونا سپۆنسه‌ران ئه‌و نه‌شێت ڤى كارى ئه‌نجام بده‌ت، لێ ئه‌و دێ چه‌ندین سترانێن سینگل به‌لاڤ كه‌ت، دیسان وێ ل به‌ره پشكداریێ د ئاهه‌نگێن نه‌ورۆزێ دا بكه‌ت دا ل وه‌لاتێ ئه‌لمانیا و توركیا ژى، به‌رى نوكه ژى وێ سترانه‌كا دویت ب ناڤێ عه‌دلایێ ل گه‌ل سترانبێژێ رۆژهه‌لاتێ كوردستانێ عه‌زیز وه‌یسى چێكریه.
