دلخوش ببه ب ژیانا خوه یا نها
ئه‌ڤرۆ،
هنده‌ك كه‌س وه‌سا هزر دكه‌ن كو دلخوشی ئه‌وه مروڤ بگه‌هیته تشته‌كێ دیار كری یان ئه‌و تشتێ مروڤی دڤێت، یان ژی به‌رده‌وام بزاڤێ بكه‌ت داكو پتر و پتر ب ده‌ستخوه‌ڤه بینیت، د ده‌مه‌كی دا دلخوشیا راسته‌قینه ئه‌وه كو مرۆڤ رازی ببیت ب وێ ژیانا هه‌ییو بزانیت چاوا و ب چ ره‌نگ دێ بكارئینیت.
مالپه‌رێ power of positivity پێنج رێك به‌لاڤ كرینه داكو دلخوش بی ب ژیانا نوكه ئه‌و ژی ئه‌ڤ رێكه‌نه:-
1.بلا چاڤێ ته ل روژێن داهاتی نه‌بیت: ئه‌رێ ته چ جاران هزر د هندێ دا كریه كا بوچی زارۆك دلخوشن؟ چونكی لنك وان گرنگ نینه بارانه، به‌فره، هه‌تاڤه، عه‌وره… ژبه‌ركو بو نها دژین و د نیگه‌ران نینن بو روژێن داهاتی.
2.د ئه‌گه‌رێن پشت كریارێن خوه بگه‌هه: هه‌كه تو نیگه‌ران ببی ب وان كریارێن دكه‌ی یان ته كربن، لجهێ كو لومه‌یا خوه بكه‌ی، د ئه‌گه‌ران بگه‌هه كا چ وه‌ها لته كر ئه‌وی كاری بكه‌ی، بڤی ره‌نگی دێ شێی د بارودوخێ خوه گه‌هی و ب باشی بو پێنگاڤێن داهاتی هزر كه‌ی.
3.به‌راوردیێ نه‌كه: چ جاران چاڤێ ته ل سه‌ر هندێ نه‌بیت كه‌سانێن دیتر چ هه‌یه و چاوا دژین، به‌لكو بلا چاڤێ ته ل سه‌ر ژیانا ته بیت و رازی ببه ب وی به‌شێ ته هه‌ی، لجهێ كو تو سه‌حكه‌یه كه‌سێن ل سه‌ر خوه‌دا سه‌ح كه كه‌سێن ل ژێر خوه، ژبه‌ركو چه‌ندین كه‌س هه‌نه هیڤی دكه‌ن ژیانه‌كا وه‌ك ته هه‌بیت.
4.خوشیێ ژ تشتێن بچووك ببینه: هه‌كه تو د زه‌حمه‌تترین ده‌مدا بی تشته‌كی په‌یدا كه كو خوشیێ ژێ وه‌ربگری، بو نمونه پیاسێ بكه‌ی، یان دناڤ پاركه‌كێ دا ب روونی، سه‌حكه عه‌سمانی و خوشیێ ژ كه‌ش و هه‌وای وه‌ربگره یان یاریا ل گه‌ل زارۆیان بكه ب گشتی ژیانێ ب زه‌حمه‌ت وه‌رنه‌گره.
5.دو تشتا ب پارێزه: په‌یوه‌ندیێن خوه یێن جڤاكی هه‌روه‌سا ئه‌زمونان: پاره دهێت و دچیت و بو هه‌تا هه‌تایێ لده‌ف چ كه‌سان نامینیت تشتێ كو بو ته دمینیت كه‌سین ل ده‌وروبه‌رێن ته‌نه، ژبه‌رهندێ په‌یوه‌ندیێن حوه یێن جڤاكی ل گول خێزانێ و هه‌ڤالێن خوه بپارێزه، هه‌روه‌سا ئه‌زمونێن ژیانێ كوم بكه و مفای ژێ وه‌ربگره.
