دلشاد نایف: د چێكرنا كه‌ڤالان دا چاڤلێكرنا چو هونه‌رمه‌ندێن جیهانی ناكه‌م
ئه‌ڤرۆ، هه‌رهین:
هونه‌رمه‌ندێ شێوه‌كار دلشاد نایف د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: نوكه هنده‌ك هزرێن نوو داردێژم دا كو ب كه‌مه كه‌ڤال و بشێم ستایلێ خوه ب گوهۆڕم، چونكو خه‌یال و هزركرن ئێك ژ بنه‌مایێن داهێنانێ نه و ئه‌ڤ چه‌نده ژی گه‌له‌ك یا گرنگه بۆ هونه‌رمه‌ندێ شێوه‌كار و من چ ده‌م ده‌ستنیشانه‌كرینه كو پێشانگه‌هه‌كا شێوه‌كاری ڤه‌كه‌م و هه‌ر لایه‌نه‌كێ پشته‌ڤانیا من بكه‌ت یێ ئاماده‌مه پێشانگه‌هه‌كێ ڤه‌كه‌م و ئه‌و مفایێن ئه‌ز ژچێكرنا كه‌ڤالێن خوه دبینم هه‌ستێن من ئارام دبن و دزانم من ڤالاهیه‌ك یا پڕ كری و من تشته‌كێ نایاب یێ كری و من رێیا ره‌نگان و رێشه‌یی هه‌ست و سوزێن خوه هه‌موو دارێژتینه سه‌ر كه‌ڤالی.
ناڤهاتی گۆت: “د چێكرنا كه‌ڤالان دا چاڤلێكرنا چو هونه‌رمه‌ندێن جیهانی ناكه‌م، به‌لێ مفای بۆ خوه ژ هونه‌رێ وان دبینم، چونكو ئه‌م ژی پشكه‌كین ژ ڤێ جیهانێ و ده‌مێ به‌رێخودانا كه‌ڤالێن هونه‌رمه‌ندێن جیهانی دكه‌م بتنێ من دڤێت وه‌كو وان نه‌بم و من دڤێت من بخوه په‌نجه‌مور و جیهانا خوه یا تایبه‌ت هه‌بیت و حه‌زدكه‌م مه كارتێكرنا خوه هه‌بیت بۆ وێ ته‌خا ل دووڤ مه دا دهێن پشتی كو ئه‌م نه‌مینین و ئه‌م ببینه كه‌لتوره‌ك بۆ وان و مفای بۆ خوه ژ مه ببینن هه‌ر كه‌سه‌كێ ژ لایێ نیگاركێشیێ، یان په‌یكه‌رسازیێ بیت دشێن بێژینێ شێوه‌كار، به‌لێ هه‌موو نه دئێك ئاست دانه و شێوه‌كارێ سه‌ركه‌فتی و لاواز هه‌ر دو مه هه‌نه شێوه‌كارێ سه‌ركه‌فتی ئه‌وه شیانێن باش ل ده‌ف هه‌بن وه‌كو سه‌ربور د هونه‌ری دا و ره‌وشه‌نبیریه‌كا زێده هه‌بیت و هزرێن نوو هه‌بن و به‌رده‌امیێ بده‌ته كارێ خوه و به‌رده‌وام ل نوویاتیان بگه‌ریت و ده‌ربرینێ ژ جوانیێ بكه‌ت و ب هونه‌رێ خوه د خزمه‌تا به‌رژه‌وه‌ندیا گشتی دابیت”.
دلشادی گۆت: “مه گه‌له‌ك گه‌له‌ری هه‌نه دهۆك و هه‌ولێر و سلێمانیێ و ده‌رڤه‌ی سنورێ هه‌رێما كوردستانێ و دهێته نیاسكرن ب مالا و نیشاندانا به‌رهه‌مێن وایه و گه‌له‌ری وه‌سا دێ جوداهیێ كه‌ت كو هونه‌رمه‌نده‌كی كه‌ڤاله‌كێ ب هێزو باش یێ چێكری و دبیت جهه‌كێ باش بۆ وی ته‌رخان بكه‌ن یان كه‌ڤاله‌ك ب قه‌باره‌كێ مه‌زنه و پێدڤیه بهێته هه‌لاویستن و دێ به‌نه جهه‌كێ به‌رفره‌ه و یێ پتر هه‌ماهه‌نگیێ ل گه‌ل وان بكه‌ت دبیت وه‌سا جوداهی هه‌بیت”.
