دلقوتانا زێدە ل هەمی عەمرا هەیە بەلێ یا ژ هەمیان پتر 30 سالیێ
بەرپەرێ ساخلەمیێ:
د. ماهر محەمەد ئەمین دۆسكی، تایبەتمەندێ نەخۆشی و چاندنا پاتریێن دلی دیاركر كو ئەگەرێن دلقوتانا دلی گەلكن ژوانژی هەكە خوینا مرۆڤی یا كێم بیت، یان هزركرن و دو دلی و گەلەك ڤەخوارنا قەهوێ و چایێ و كێشانا جگارا ئەگەرێن سەرەكینە و چ پەیوەندی ب دلی ب خوڤە نینە و گەلەك نەخۆشی ژی هەنە كو دلقوتانێ چێدكەن و دلقوتانا زێدە ل هەمی عەمرا هەیە بەلێ یا ژ هەمیان پتر 30 سالیێ وێڤەیە و گۆت: ل دەستپێكێ ئەم هندەك پشكنینێن خوینێ چێدكەین دا ئەگەری بزانین و پتریا وان دیاردكەن كا خوین یا كێمە یا غودە هەیە، یان ڤیتامین دكێمن و ژبلی هندێ ئەم پرسیارا ژ نەخۆشی دكەین كا شێوازی ژیانا و خوارنا وی چاوانە و ئیكویێ و نەخشەكێشانێ بۆ نەخۆشی چێدكەین و هەكە چ دەرنەكەت ئەم دچینە ئامیرێ هولتەر كو 24 یان 48 سعەتا بۆ نەخۆشی دهێتە گرێدان و دلقوتانا وی دهێتە توماركرن و ئەم ب كومپیوتەری ڤە گرێددەین و بەرێ خۆ ددەینێ كا بۆچی دلقوتان بۆ نەخۆشی پەیدادبیت و دێ ئەگەری زانین و چارەسەركەین.
دەربارەی گەنجان ژی دیارك ركو گەلەك هەنە د زكما كدا كارەبییا دلێ وان یا دروست نینە و نزانن، هەتا مەزن دبن دێ هێنە دەڤ دكتوری و بێژن دلێ من زێدەلێددەت و 170 هەتا 180 لێددەت كو نابینە جەلتە و نەخۆش پێ نامریت، بەلێ ئایشە ئەوە دلقوتان زێدەدبیت و ترسێ بۆ نەخۆشی پەیدادبیت و ئەڤە دبێژنێ svt و ئەم دەرزیكەكا تایبەت ددەینێ و چێدبن، بەلێ هەكە گەلەك دوبارە بوو و نەخۆشیا خۆ ژێ دیت ئەم حەبێن دلی ددەینێ و پاش دبیتە قوناغا كەویكرنێ كو ئەم ب رێیا بەنجا خۆجهی ئەو جه دهێتە كەویكرن و كارەبییا دلی دهێتە زڤراندن و باشتر لێ دهێت.
