دلۆڤان عومه‌ر: رژدین سێمێلێ ڤه‌گه‌ڕیێته پلا نایاب
ئه‌ڤرۆ،
د دیداره‌كێ دا كاپتنێ تیما ته‌پاپێی یا یانا سێمێل دیاركر كو بۆ وه‌رزێ نوو سێمێل دێ ب هێزه‌كا نوو هێته دناڤ خولا پلا ئێك و قاره‌مانیا كوردستانێ دا و نه بتنێ وه‌كو پشكدار به‌لكو دێ هه‌ڤڕك بیت.
زێده‌تر دلۆڤان عومه‌ر بۆ رۆژناما ئه‌ڤرۆ گوت: ل وه‌رزێ بوری گه‌له‌ك ئاسته‌نگ د رێیا تیما مه دا بوون هه‌تا شیاین ژ پلا دو ب گه‌هینه پلا ئێك لێ بۆ وه‌رزێ نوو دیاره هه‌ر ژ ده‌ستپێكێ كارگێریا یانێ ژماره‌كا باش یا یاریزانێن پارێزگه‌هێ خڕڤه‌كرینه كو خودان سه‌ربۆر و شاره‌زا و كادره‌كێ گه‌نج یێ راهێنانێ ده‌ستنیشانكریه پێنه‌ڤێت ئارمانجا مه ژی نه بتنێ پشكداریێ بكه‌ین به‌لكو هه‌ڤڕكبن ژبۆ ده‌ربازبوون بۆ پلا نایاب، هه‌روه‌سا سه‌رباری یاریا ئێكێ یا جاما كوردستانێ هاتینه هژمارتن سه‌ركه‌فتی لێ رژدین بۆ جاما كوردستانێ ژی تیما ناسناڤی بین.
ژلایه‌كێ دووڤه ناڤهاتی دیاركر گه‌شبینه سێمێل دێ بۆ هه‌ردو قاره‌مانیا هه‌ڤڕك بیت نه‌ك بتنێ پشكداریێ كه‌ت و گوت: راسته ئه‌ركێ مه ب سانه‌هی نابیت لێ ب پشته‌ڤانیا كارگێریێ و هێزا یاریزانا رژدین و گه‌شبینم دێ ئارمانجا خوه ب جهئینن ده‌ربازبوون بۆ پلا نایابا كوردستانێ.