دلین كەمال: گەشبینم ناسناڤێ ئیراقێ ب دەستڤە بینم
كچا پارێزگەها دهۆكێ و یاریزانا یارییا شەترەنجێ دلین كەمال جەلالەددین سوبەهی دێ كەفتیە د ناڤ هەڤڕكیێن قارەمانییا ئیراقێ یا قۆناغا دویێ و دووماهیێ دا ئەوا دهێتە چاڤەڕێ كرن هەولێرا پایتەخت مێڤاندارییا وێ بكەت، پشتی د قۆناغا ئێكێ دا ب سەركەفتیانە دەربازبیت.
ل دۆر دووماهی بەرهەڤیێن كچا دهۆكێ د داخویانیەكێ دا بۆ رۆژنامەیا ئەڤرۆ گۆت: بەرهەڤیێن من بەردەوامن سەرباری ئەركی مە ب سانەهی نابیت لێ گەشبینم بۆ دەستڤە ئینانا ناسناڤێ ئیراقێ، هەرچەندە ئەم 11 باشترین یاریزان ماینە و دێ شەڕی بۆ ناڤ رێزێن هەلبژارتیێ ئیراقێ كەین، هەڤڕكیێن قارەمانیێ دێ ل دوو سیستەمێ سویسری 11 گەڕان هێتە كرن، پێدڤی ب پێنچ سەركەفتنامە هەتا بگەهمە ئارمانجا خوە.
هەروەسان دلین كەمال گۆت: وەكو تاكە كچا پارێزگەها دهۆكێ دناڤ هەڤڕكیێن باشترین یاریزانێن ئیراقێ دا دێ بزاڤێ كەم د رێزبەندییا یاریزانێن ئیراقێ ئەوا نوكە ب 1401 خالان رێزا سێیێ دهێم ب گەهینە سەرێ لیستێ، هەروەسان بچمە دناڤ رێزێن هەلبژارتیێ ئیراقێ ژی دا خوە بەرهەڤكرن بۆ قارەمانیێن نێڤدەولەتی و عەرەبی، پێخوەشحالم پشتی ڤەقەتیانەكا درێژ ڤەگەڕیامە پێشەنگیێ و ناسناڤی، دیسان وەكو كچا پارێزگەها دهۆكێ و كوردستان ئێكەم بم،
