دلێ پیرۆز

خورشید توفیق باكۆزی

ل چاڤێ گەشێ كوردستانێ
ل دەروازەیێ دلێ پیرۆز
لسەنگەرێ مان و نەمانێ
ژگوڕیا گەرما تڤەنگاوە و
ژكەلەگەرما بەرخۆدانێ
تیرۆژكا رۆژا روومەتێ
ل تەخێ ئەنیا پردێ هەلات..
وەب جانێ خۆ بەرزكر ئالاو پاراست دۆز
وەب شەواتا زریپۆش و (ئەبرامزان)
سنوورێن بێدەنگیێ شكاندن
لەشكرێ ئەهریمەنی و
شلقا شەڤێن رۆم و كیسرای
لویلیا گەرما تڤەنگاوە ماچیكر و
خۆ لبەر بەژنا وە چەماندن..
پێشمەرگەینۆ..
خاك پارێزێن وەلاتپەروەر
گەر ژمێرخاسی وجانگۆریكرنا وە نەبا
دا لژێر پۆستالێن زۆرداران
كەل وێران بیت..
دا كەزی و بسكێن دەلالێ
بسەر هەفسارێن رەش كەعێلێن
دۆژمناڤە بنە گلواز..
كێلیا شەدا دا د دۆمانێدا وندابیت
هەرێم دابیتە شەواتگە و
ژبلنداهیێ بێ چەنگ و بال دا كەڤن باز
لەورا دێ بێژم و بێژمەڤە
لسەر كێلەكا دلێ مەزن
ل چاڤێ گەشێ كوردستانێ
گۆرێ وە بۆمن مینبەرە..
كێلیا وە بۆ من پیرۆزە و
سەرخوەبوون و
ناڤێ دەولەتبوونێ لسەرە..
ناڤێ دەولەتبوونێ لسەرە..

کۆمێنتا تە