دل هشكە یار
مارال خەزال
ب ئاهێ هەردو بسكێن خوەی د رەشكە
دلێ خەمگین ب یەك ماچێ تو خوەش كە
(جگەرخوین)
من خوە دا یە ناڤ رەیهان و بنەوشان
وەر ژ جەزبا گولێ تو خوە سەرخوەش كە
(مارال خەزال)
شەڤا ئینێ وەرە نك من ب نازی
ب نازداری ل سەر چاڤێ مە مەشكە
(جگەرخوین)
هۆری مە ئەز نینە بۆ من قەدەخە
هەموو شەڤ و دەمان ل خوە بهووش كە
(مارال خەزال)
بریندارم ب قیر و ئاه و دەردم
وەرە پرسێ ل ڤی كالێ نەخوەش كە
(جگەرخوین)
گەر دخوازی تو كسیرا جوانی
شیرێ كەلی ژ سینگا گەش بنۆش كە
(مارال خەزال)
ژ لێڤێن سۆر بدە دلگر شەرابێ
نە جارەك لێ ب چار و پێنچ و شەش كە
(جگەرخوین)
ژ خوە ئەز چەمێ بادە و شەرابم
خوە بدە بەر تڤنگا سۆر كەلەش كە
(مارال خەزال)
تە ئەز كوشتم ب ڤان نازداریێن خوە
دلێ پر خەم ژ دەردان بوویە كەش كە
(جگەرخوین)
تو زانی هەر كوشتنا من كەواندن
ب شووشا سۆر تو هەر برینان خوەش كە
(مارال خەزال)
ب تە خوەش تێ كو ئەز هەردەم دنالم
ژ چاڤێ من دبارن خوون و ئەش كە
(جگەرخوین)
سەیدا! من هەوجەیە دەنگێ بلبلی
رەنگ و بێهنا گولێ سەر دل ب رەش كە
(مارال خەزال)
جگەرخوینم نەما زانم چ بێژم
تەنێ زانم دلێ یارا من هشكە
(جگەرخوین)
نە هەوجە یە پەی و گۆتنان رێكی
روونێ هور ژ دلێ مەجنون تو مەشكە
(مارال خەزال)
