دهۆكێ به‌رده‌وامی دا پێشه‌نگیا خولێ
ئه‌ڤرۆ،
تیما ته‌پا پێی یا یانا دهۆك به‌رده‌وامه ل سه‌ر پێشه‌نگیا خوه یا سه‌رێ لیستا كۆما ئێكێ پشتی شیایی سه‌ركه‌فتنه‌كا گرنگ ل سه‌ر خودانێن یانا عه‌له‌م ئینا ب دو گۆلان به‌رامبه‌ر گۆله‌كێ د یاریا واندا ئه‌وا دوهی ل باژێرێ سه‌لاحه‌دین ژ چارچووڤێ هه‌ڤڕكیێن گه‌ڕا حه‌فتێ یا خولا پلا ئێكا ئیراقێ و ده‌ربازبوون به‌ره ب پلا نایاب هاتیه كرن.
هه‌ردو گۆلێن دهۆكێ د نیڤا ئێكێ دا ژلایێ یاریزانان مورته‌جا عادل ناسر و ئه‌حمه‌د سه‌بری هاتنه تۆماركرن ، بڤێ ئه‌نجامێ یانا دهۆكێ ب 17 خالان پێشه‌نگیا سه‌رێ لیستا كۆما خوه پاراست، یانا عه‌له‌م ب خاله‌كێ رێزا 12ێ و دووماهیێ دهێت.
د داخویانیه‌كێدا ئه‌حمه‌د سه‌بری خودانێ گۆلا دویێ و سه‌ركه‌فتنێ بۆ رۆژناما ئه‌ڤرۆ گوت: ئه‌م رژدین به‌رده‌وامیێ بده‌ینه ئه‌نجامێن خوه یێن سه‌ركه‌فتی و پێشه‌نگیا سه‌رێ لیستێ ژبه‌ركو مه ئارمانجه‌كا مه‌زن هه‌یه ئه‌وژی ده‌ربازبوون بۆ پلا نایابا ئیراقێ یه، یاری ب سانه‌هی نه‌بوو هه‌رچه‌نده تیمه‌كا دووماهیا لیستێ بوو لێ ب هه‌موو شیانێن خوه و شه‌ڕی دكه‌ت كو خوه ژ داكه‌فتنێ دوور بێخیت
