دهۆكێ دێ قاره‌مانیا ته‌پا مپَزێ یا ئیراقێ مێڤان كه‌ت
ئه‌ڤرۆ،
د داخویانیه‌كێدا سكرتێرێ ئێكه‌تیا ته‌پا مێزێ یا ئیراقێ دیاركر كو بڕیاره ل چارشه‌مبیا بهێت قاره‌مانیا ئیراقێ سه‌ر ئاستێ هه‌موو یانێن هه‌رێما كوردستانێ و باكورێ ئیراقێ بۆ ژیێن جودا ل پارێزگه‌ها دهۆكێ بهێته كرن.
زێده‌تر هیڤی تاها ئه‌حمه‌د بۆ رۆژناما ئه‌ڤرۆ ب فه‌رمی بریار هاتیه دان قاره‌مانیا ئیراقێ یا قۆناغا ئێكێ بۆ كۆما هه‌رێما كوردستانێ و باكورێ ئیراقێ سه‌ر ئاستێ پشكۆژ، تازه‌پێگه‌هشتی ل 15ێ ڤێ هه‌یڤێ ب پشكداریا زێده‌تری 18 یانا پارێزگه‌ها دهۆكێ مێڤانداریا وێ بكه‌ت و بشێوێ ده‌ستپێكێ هه‌ردو یانێن دهۆك و پۆلیته‌كینكی ل پارێزگه‌ها دهۆكێ به‌رهه‌ڤیا خوه دیاركریه بۆ قاره‌مانیێ كو دهێته چاڤه‌ڕێكرن پشتی ژمارا فه‌رمی یا پشكداران دیاربیت رێنوما و سیسته‌مێ قاره‌مانیێ بهێته دیاركرن ژبۆ ده‌ستنیشانكرنا ژمارا ده‌ربازبوونێ بۆ قۆناغا دووماهیێ.
هه‌روه‌سا ناڤهاتی گوت: ژێگرتنا پارێزگه‌ها دهۆكێ ژبه‌ر سه‌ركه‌فتنا وێ و شارزاهی یا كو به‌ری نوكه مێڤانداریا چه‌ندین قاره‌مانیێن ئیراقێ و ده‌رڤه كریه ژبه‌ر هه‌بوونا خالێن سه‌ركه‌فتنێ و گۆنجاندنا تیما د سه‌قایێ پارێزگه‌هێ دا و هه‌ڤكاریا به‌رپرسێن وه‌رزشی ل گه‌ل مه ئه‌گه‌رێن ڤێ یه‌كێ نه.
ژلایێ خوه‌ڤه بشار ره‌مه‌زان راهێنه‌رێ تیما ته‌پا مێزێ یا دهۆكێ گۆت: دێ ل سه‌ر ئاستێن پشكۆژ، تازه‌پێگه‌هشتی پشكداری قاره‌مانیێ بین هه‌تا نه‌ه یاریزان به‌رهه‌ڤبن بۆ قاره‌مانیێ، دێ بزاڤێ كه‌ین مفایی ژ ئه‌رد و مێڤانداریا خوه وه‌ربگرین پێخه‌مه‌ت ب ده‌ستڤه ئینانا ئه‌نجامێن سه‌ركه‌فتی، من باوه‌ری ب یاریزانێن خوه هه‌یه سه‌رباری هێزا قاره‌مانیێ.
