دهۆكێ سه‌رێ لیستا كۆما خوه پاراست
ئه‌ڤرۆ،
تیما ته‌پا پێی یا یانا دهۆكێ سه‌رێ لیستا كۆما ئێكێ پاراست پشتی شیایی ب دو گۆلان به‌رامبه‌ر گۆله‌كێ سه‌ركه‌فتنێ ل سه‌ر هه‌ڤڕكا خوه یانا كوفه بینت، د یاریا واندا ئه‌وا دوهی ژ چارچووڤێ هه‌ڤڕكیێن گه‌ڕا شه‌شێ ژ خولا پلا ئێكا ئیراقێ ل یاریگه‌ها سه‌ره‌كی یا یانێ هاتیه كرن.
گۆلێن دهۆكێ ژلایێ یاریزانان كامیران خالد د خوله‌كا 39 و مورته‌جا عادل خوله‌كا 70ێ دا تۆماركر، گۆلا تیما مێڤانا د ژلایێ هێرشبه‌رێ وان مه‌یسه‌م مه‌كی د خوله‌كا 29ێ دا تۆماركر، بڤێ ئه‌نجامێ تیما دهۆكێ جهێ خوه ل سه‌رێ لیستا كۆمێ ب 14 خالان پاراست، حدود ب 12 خالان پێشڤه هاته رێزا دویێ و كوفه ب 11 خالان پاشڤه‌چوو رێزا سێیێ.
