دهۆك ب راهێنه‌ره‌كێ نوو دێ بیته مێڤانا چوارقۆرنه
ئه‌ڤرۆ، قه‌یس وه‌یس
بریاره ئه‌ڤرۆ سێ یاریێن مایی ژ چارچووڤێ هه‌ڤڕكیێن گه‌ڕا 11ێ ژ خولا پلا نایابا كوردستانێ یا ته‌پا پێی ل ده‌مژمێر دو یێ پشتی نیڤرۆ بهێنه ئه‌نجامدان، دهۆك دێ بیته مێڤانا چارقۆرنه و ئاكرێ دێ مێڤانداریا سیروانی نوو كه‌ت و ئارارات و سه‌ید سادق هه‌مبه‌ری ئێك بن.
تیما یانه‌یا دهۆك ئه‌وا ب سێ سه‌ركه‌فتنان، وه‌كهه‌ڤیه‌ك و پێنچ خوساره‌تیان ل رێزا 13ێ دهێت ب كۆمكرنا 10 خالان، خودانێن ئه‌ردی چارقۆرنه ل دووماهیا رێزبه‌ندیا خولێ دهێت ب نه‌ه خالان، ل گه‌را بوری راهێنه‌رێ تیما دهۆكێ هه‌رمان سالح ده‌ست ژ پۆستێ خوه به‌ردابوو ئه‌وێ ل جهێ وی ئاشتی مسته‌فا هاتیه ده‌ستنیشانكرن، دبیت یاریا ئه‌ڤرۆ ب سانه‌هی نه‌بیت لێ دڤێت ڤه‌گه‌ڕێته ئاست و ئه‌نجامێن خوه یێن به‌ری نوكه، هه‌رچه‌نده تیما چارقۆرنه ژی رازی نابیت ل دووماهی رێزبه‌ند بیت ئه‌وا دێ بزاڤێ كه‌ت بۆ سه‌ركه‌فتنێ، دیاریه‌كا دی دا یانه‌یا ئاكرێ دێ ب زاخا سه‌ركه‌فتنا حه‌فتیا بوری هێته دناڤ یاریێ دا و ب پشته‌ڤانیا جه‌ماوه‌رێ خوه هه‌موو بزاڤا كه‌ت ژبۆ به‌رده‌وامیا ئه‌نجامێن باش ده‌مێ ل یاریگه‌ها خوه دا مێڤانداریا سیروانی نوو دكه‌ت، نوونه‌را پارێزگه‌هێ 11 خالان كۆمكرینه ل رێزا 11ێ دهێت، هه‌مبه‌ری وێ سیروانی نوو ب 12 خالان رێزا حه‌فتێ دهێت.
یاریا سێیێ یا ئه‌ڤرۆ دێ دناڤبه‌را ئارارات خودانا سه‌رێ لیستێ ب 17 خالان هه‌مبه‌ری سه‌ید سادق بیت ئه‌وا 14 خال هه‌ین رێزا پێنجێ دهێت.
