دهۆك ب فلمێن سینەمایی هەڤڕكیا جیهانێ دكەت
هەرهین محەمەد:
محەمەد حاجی، ئەكتەرێ رۆژئاڤایێ كوردستانێ، كو ئەڤە بۆ دەمێ سێزدە سالانە كارێ ئەكتەریێ دكەت، ددیدارەكێ دا بۆ رۆژنامەیا ئەڤرۆ گۆت: ئەز گەلەك حەزژ رۆلێن حەزژێكرنێ و تراژیدی دكەم و د زنجیرە و فلمێن سینەمایی دا من خوە تاقی نەكریە ل سەر رۆلێن كۆمێدی و دبیت هەتا رادەیەكی بشێم رۆلێن كۆمێدی ژی بگێڕم و هەكە دەرهێنەر رۆلێن كۆمێدی ژی بدەتە من یێ ئامادەمە دێ بگێڕم، چونكو یێ ببیتە ئەكتەر هەر رۆلەكێ دەرهێنەر ب دەتێ گرنگە بگێڕیت.
هێشتا گۆت: دبینم دهۆك د بەرهەمئینانا فلمێن سینەمایی دا هەڤڕكیا وەلاتێن بیانی دكەت و بۆ ئێكەم جار هاتمە فلمە فێستیڤالا دهۆكێ، من فلم و كورتە فلمێن وان دیتن ب راستی د پرۆفشنالن، لەورا من بڕیاردا و حەز دكەم ل گەل وان كاربكەم دفلمەكی دا، چونكو دەمێ رۆلی دگێڕن دچنە د ژیواری دا و بینەری دكێشنە و بۆ من تشتەكێ سەیربوو خۆشیا فێستیڤالێ ژی ئەوە هەموو مللەتێن دونیایی قەستا وێرێ دكەن و گوهۆڕینا هزر و بیران چێدبیت و مفای ژێ دبینن.
