دهۆك تیڤی ب مال بابا خوه دزانیت
دهۆك، هه‌رهین محه‌مه‌د:
عه‌بدوللا یونس محه‌مه‌د، وێنه‌گرێ كه‌نالێ دهۆك تیڤی، د دیداره‌كێ دا ل گه‌ل رۆژناما ئه‌ڤرۆ دبێژیت: ل ده‌ستپێكا كه‌نالێ دهۆك تیڤی و هه‌تا نوكه یێ به‌رده‌وامم و بتنێ دو سالان من ل پشكا ئه‌رشیفی ل هه‌مان كه‌نال كاركریه، وه‌كو دی رۆژێن خوه هه‌موو من ل گه‌ل كامیرا ڤیدیۆیێ بۆراندینه و وێنه‌گریێ گه‌له‌ك تشت داینه من، به‌لێ ژیێ من ژ من وه‌رگرتیه، به‌لێ رۆژه‌كا بتنێ ژی ژ كارێ خوه بێزار نه‌بوویمه هندێ دلخۆشم ل گه‌ل هه‌چه‌كو بۆ من رۆژا ئێكێ یه و دهۆك تیڤی دا من گه‌له‌ك بیرهاتنێن خۆش و نه‌خۆش هه‌نه و گه‌له‌ك هه‌ڤال ل گه‌ل مه بوون و گه‌له‌كان باركریه و وه‌غه‌ركریه و گه‌له‌ك ژ مێژه‌یه هاتیمه خانه‌شینكرن، به‌لێ ژبه‌ر حه‌زا من بۆ كارێ من نوكه ب گرێبه‌ستم ل دهۆك تیڤی كاردكه‌م و ئه‌ز دهۆك تیڤی دانم مال بابا خوه.
هه‌روه‌سا گۆت : مه‌رجه وێنه‌گر فوتۆگرافه‌ریێ ژی ب زانیت و ڤیدیۆیێ ژی، به‌لێ هه‌تا نوگه گێولێ من ل سه‌ر فوتۆگرافه‌ریێ نه‌بوویه و بتنێ حه‌زژ ڤیدیۆكرنێ دكه‌م و وێنه‌گرێ ب دروستی ئه‌وه گێولێ كامیرێ هه‌بیت و حه‌زژێ بكه‌ت و ڤی كاری دكه‌م بۆ گێولی خوه دیسان ژبه‌رداهاته‌كی ژی كو ژیانا خوه پێ ده‌رباز بكه‌م.
