دهۆك ده‌ربازبوو و سێمێل دێ بۆ قه‌ربوویێ و سه‌ركه‌فتنێ یاریێ كه‌ت
ئه‌ڤرۆ،
تیما یانا دهۆك گه‌هشته قۆناغا هه‌شتێ ژ قاره‌مانیا كۆپا كوردستانێ یا ته‌پا پێی، پشتی دوهی ب سه‌ركه‌فتی ل سه‌ر مێڤانا خوه یانا كویه ب گۆله‌كا كۆژه‌ك، ژ چارچووڤێ هه‌ڤڕكیێن قۆناغا 16ێ ئه‌وا ل یاریگه‌ها یانا دهۆك هاتیه كرن، گۆلا دهۆكێ ژلایێ یاریزان بێوار فه‌ریق د خوله‌كا 92ێ دا تۆماركر، ژلایێ خوه‌ڤه ئه‌ڤرۆ یانا سێمێل ل یاریگه‌ها شه‌هید فره‌نسۆ حه‌ریری یا دویێ ل هه‌ولێرا پایته‌خت بیته مێڤانا یانا رانیه.
لدور دووماهی به‌رهه‌ڤیێن ئه‌وان دلۆڤان سالح كاپتنێ تیما یانا سیمێلێ بۆ رۆژناما ئه‌ڤرۆ گۆت: یاریه‌كا ب سانه‌هی نابیت لێ دڤێت ئه‌م جه‌ماوه‌رێ خوه ئاشت بكه‌ین و هێزا سێمێلێ ڤه‌گه‌ڕێنین، هه‌موو یاریزانا سۆزدایه كارگێریێ یا د شیان دا بیت بۆ سه‌ركه‌فتنێ دناڤ یاریگه‌هێ دا كاربكه‌ن و به‌رده‌وامیێ بده‌نه پێشكه‌فتنا خوه هه‌تا بگه‌هنه قۆناغێن دووماهیێ، هه‌رچه‌نده یاریزانه‌كێ مه هنگاڤتی یه لێ یێن یه‌ده‌ك به‌رهه‌ڤن و دشێن جهێ وی بگرن.
