دهۆك ل پایتهخی یه بۆ ئهنجامدانا یاریین ههڤالینی
ئهڤرۆ،
تیما تهپا پێی یا یانا دهۆك بهردهوامه ل سهر راهێنان و یاریێن خوه یێن ههڤالینی خوه بهرههڤكرن بۆ ههردو یاریێن چارهنڤیس و ڤهبڕ ژ ڤاڤارتنێن دهربازبوونێ بۆ پلا نایابا ئیراقێ، ئهوا بڕیاره یاریا ئێكێ ل گهل یانا ناسریه ل باژێرێ بهغدا ل ئێكێ ههیڤا بهێت ئهنجامبدهت و سهركهفتی دێ یاریا دویێ و دهربازبوونێ ل گهل یانا ئهمانهت بهغدا ل ههشتێ ههمان ههیڤ ئهنجامدهت ژبۆ دهستنیشانكرنا پلێتا ئێكانه بۆ نایابا ئیراقێ.
لدور ڤێ یهكێ سلێمان رهمهزان راهێنهرێ تیمێ بۆ رۆژناما ئهڤرۆ گۆت: ل دووڤ بهرنامێ خوه بهرههڤكرن و پلانێن باشترین بهرههڤی بۆ یاریێن چارهنڤیسه نوكه ل ههولێرا پایتهختین و ل دووشهمبیا بۆری یاریهكا ههڤالینی ل گهل یانا ههولێر ئهنجامدایه و چاڤهڕێ یه ئهڤرۆ یان سوبههی یاریهكا دی یا ههڤالینی و دیسان دهێته پێشبینیكرن بهر ب باژێرێ سلێمانیێ بچین و یاریهكا دی ل گهل یانا نهوروز یان یانهكا دی بكهین بهری دهستپێكرنا یاریێن ڤهبڕ ههموو بزاڤا بكهین كو باشترین شێوه خوه بهرههڤبكهین پێخهمهت دهستڤهئینانا پلێتا دهربازبوونی بۆ پلا نایاب.
ههروهسان ناڤهاتی دیاركر ههر ژ دهستپێكا راهێنانا و هاتنا هژمارهكا یاریزانان بهرنامه و پلانێن تایبهت هاتینه دانان و كارگێریا یانێ ژی ب ههموو شیانێن خوه كار دكهن پێخهمهت تیما دهۆكێ بۆ ههردو یاریێن چارهنڤیس بهرههڤبن و بگههیته ئارمانجا خوه گۆت: ئهم چاڤهڕێ نه بۆ یاریێن بهێت سێ یاریزانێن پیشهكار دناڤ رێزێن تیمێ دابن و ههتا نوكه ب فهرمی گههشتینه رێكهفتنێ ل گهل نۆرو سۆلێ كو ل وهرزێ بوری ل گهل تیمێ بوو وهكو یاریزانێ هێلا بهرهڤانیێ یاری دكر، پێشبینی دكهم ڤان دو رۆژان دا ههردو یاریزانێن دی ژی بگههنه دناڤ تیمێ دا.
