دهۆك نه‌شیا مێژویه‌كێ توماربكه‌ت ل ڤه‌كرنا یاریگه‌هه‌كا عیراقێ
ئه‌ڤرۆ نیۆز ، هه‌ژار مه‌عروف:
د یاریا خوه یا دوێ دا ژ خولا پلا نایاب یا عیراقێ ژ یاریێن قوناغا بژاره تیما ته‌پا پێێ یا دهۆك توشى خوساره‌تیێ بۆ ل سه‌ر ده‌ستێ یانا نه‌فت ئه‌لجنوب ب گوله‌كێ بێ به‌رامبه‌ر.
یاریا دهۆك ل گه‌ل نه‌فت ئه‌لجنوب ب یاریه‌كا مێژوى دهاته هژمارتن ژبه‌ركو د بوو یاریا ئێكێ ب فه‌رمى ژ یاریێن خولا عیراقێ ل سه‌ر ئه‌ردێ یاریگه‌ها نیڤده‌ولى جزغ نخله ل باژێرێ وه‌رزشى به‌سرا دهاته كرن .
د نیڤا ئێكێ دا هه‌ردو تیمان ئاسته‌كێ باش پێشكێشكر تایبه‌ت یاریكه‌رێن دهۆك چه‌ندین جاران خوه گه‌هانده گولا خودانا یاریگه‌هێ لێ ژبه‌ر نه‌بوونا شارازیا یاریكه‌رێن یانا دهۆك ئه‌ڤ نیڤا بێ گول ب دووماهى هات.
ل نیڤا دوێ ب خه‌له‌تیه‌كا هێلا به‌ره‌ڤانیا دهۆك تیما نه‌فت شیا ب رێكا یاریكه‌رێ خوه عه‌لى عوده گولا ئێكێ توماركر و پشتى ڤێ گولێ راهێنه‌رێ دهۆك چه‌ند گوهورین ل پێكهاتیێ تیمێ كرن لێ تێرا وێ چه‌ندێ نه‌كر كو تیما دهۆك بشێت خوه باشتر بكه‌ت ژبه‌ر تیم شیانێن له‌شى لاواز بوون ژبه‌ركو د بوو یاریا چوارێ د ئێك نه‌ه رۆژان دا و یارى ب ڤى گوله‌كێ بێ به‌رامبه‌ر د به‌رژوه‌ندیا نه‌فت ئه‌لجنوب ب دووماهى هات.
